DILI, STLTIMORLESTE.com – Ministériu Edukasaun (ME) liu husi partisipasaun estudante sira husi Ensinu Báziku Siklu da-3, Timor Leste partisipa iha eventu internasionál The 11th ASEAN+3 Junior Science Odyssey (APT-JSO11), neebe halao durante loron lima, husi 06 too 10 Julhu 2026, iha Clark Freeport Zone, Pampanga, Filipina.
“Ohin mai tur iha nee tanba iha ano letivu 2026 ba dala rua, laos ho direjente ME no profesores deit, maibe ho estudantes oan doben sira neebe mak lori duni TL ba tuir kompetisaun internasional, tanba eventu nee importante tebes, saida mak akontese, imi nain hira nian servisu boot ida, imi nain hira kontinua hatutan, tanba kompetisaun, tanba imi nian kolega balun mos manan kompetisaun iha fulan hirak liu ba, imi nain hira mos kontinua, fila mai ho rezultadu neebe diak,” dehan Ministra Eduksaun (ME), Dulce de Jesus Soares ba jornalista sira iha sala konferensia ME, Segunda nee (13/07/2026).
Eventu ida nee reúne estudante sira, manorin sira no reprezentante husi nasaun sira iha rejiaun ASEAN+3 atu partilha konhesimentu, dezenvolve kapasidade siéntífika, kreatividade no inovasaun, no hametin kolaborasaun iha área siénsia no sustentabilidade haktuir Kurríkulu Nasionál Baze ba Siklu da-2 Ensinu Báziku.
Partisipasaun Timor Leste iha eventu ida ne’e reprezenta komprometimentu Ministériu Edukasaun atu promove aprendizajen siéntífika, pensamento krítiku, criatividade no dezenvolvimentu kapasidade estudante sira atu partisipa iha kompetisaun internasionál. Delegasaun Estudante Timor- LesteEstudante sira ne’ebé reprezenta Timor Leste mak, Alandrinho Corbafo Caunan – Kolejiu Paulo VI, Munisípiu Dili, Angelica da Costa Sequeira – EBC Bidau Akadiruhun, Munisípiu Dili, Mendelina del Carmen Mascarenhas – EBC 30 de Agostu, Munisípiu Dili, Nelia Patricio Soares – EBC São Pedro, Munisípiu Dili, Peter Carlos Chima Anaje – EBC São José Operário, Munisípiu Dili, Salvador da Costa Pacheco – EBC Esperança da Pátria, Munisípiu Dili. Professora Mentora no akompañante delegasaun estudante sira hetan akompañamentu husi, Alegrina de Jesus – EBC Akadiruhun, Helena de Sousa Amara – EBC Esperança da Pátria.
Rezultadu Partisipasaun Timor Leste. Iha The 11th ASEAN+3 Junior Science Odyssey, delegasaun Timor Leste hetan rezultadu diak ho konkerimentu sira hanesan A. APT-JSO Grand Awards, Medalha Ouro, 3 Medalla Prata, 2 Medalha Bronze, B. Excellence Awards / Prémiu Espesiál. Delegasaun Timor Leste mos hetan rekonhesimentu espesiál liu husi Best in Estimating Carbon Footprint, Best in Wings of Chance Challenge, Katuklas Excellence Award – ba deskobrimentu siéntífiku ne’ebé foun no orijinál. Kaugnay Excellence Award – ba eselénsia iha serbisu hamutuk no respeitu ba kultura. Kaisa Excellence Award – ba advokasia ne’ebé forte ba asaun klimátika.Signifikadu Katuklas, Kaugnay no KaisaKatuklas (Deskobrimentu) reprezenta espíritu investigasaun no buka koñesimentu foun liuhusi siénsia no inovasaun. Kaugnay (Kolaborasaun) simboliza importánsia servisu hamutuk entre estudante, professora, instituisaun no nasaun partisipante sira atu fahe esperiénsia no koñesimentu. Kaisa (Unidade) reflete unidade no solidariedade iha hametin kooperasaun internasionál iha área edukasaun no siénsia. Ministériu Edukasaun fó apresiasaun ba estudante sira, professora mentora no parte hotu ne’ebé kontribui ba susesu Timor Leste iha The 11th ASEAN+3 Junior Science Odyssey. Partisipasaun ida ne’e sai inspirasaun atu kontinua hametin edukasaun siéntífika, inovasaun no preparasaun estudante sira ba futuru.
Nunee mos Helena de Sousa Amaral, profesores husi EBC esperansa da Patria dehan, orgulhu boot Ida,tanba bele hetan oportunidade husi ME, hodi bele partisipa iha eventu rezional ida nee, buat neebe mak sira aprende iha nee ba, ami bele troka hanoin ba malu ho nasaun sira seluk neebe partisipa iha eventu refere.
“Hau mos hanorin iha setimu ano, entaun hau mos duni saida mak iha ita nian kurrikulum nee, ami aprende buat barak iha nee ba, husi nasaun 11, espera ba oin ami bele implementa fali iha ami nian eskola,” nia informa.
(jac)
