Estudantes Nobel 400 Partisipa Orientasaun

Diretor Eskola Sekundariu Nobel da Paz, Jeremias P. de Jesus. (Foto: STL/Jacinta Sequeira)

DILI, STLTIMORLESTE.com – Eskola Sekundariu halao orientasaun ba estudante hamutuk 400, nee kompostu husi estudante foun no transferensia.

Dehan Diretor Eskola Sekundariu Nobel da Paz, Jeremias P. de Jesus ba STL iha nia knaar fatin, Sesta nee (17/1/2025).

“Ami halao orientasaun ba estudantes foun nee loron rua deit, hahu horiseik no ohin remata, aban halo limpeza iha sala de aula no areador eskola nian, atu nunee Segunda nee ami komesa ona prosesu ensinu aprendizajen ba ami nian estudante sira. Ohin ami konvida KRAM mai halo sosializasaun ba ami nian estudante sira, ho nunee bele evita problema iha eskola,” dehan nia.

Jeremias dehan, liu husi sosializasaun neebe halao husi KRAM ba estudante sira, hodi nunee estudantes sira bele hatene no evita husi problema, liu-liu liga ba iha grupu arte marsiais ninia, tanba durante nee estudante husi Eskola Nobel no estudantes husi 4 Setembru sempre halo problema beibeik.

Nunee mos Duarte Maia Gomes da Costa, hanesan estudante dehan, sira foin hahu orientasaun horiseik no ohin remata, tanba halao orientasaun loron rua deit no aban sira sei prepara sala de aula, atu nunee loron Segunda hahu halao aprendizajen.

(jac)

Share it :

Leave a Reply

Your email address will not be published. Required fields are marked *