DILI, STLTIMORLESTE.com – Liu husi komunikadu imprensia media F-FDTL nian neebe STL asesu katak, Xefe Estadu Maior Jenerál FALINTIL-Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” simu vizita husi Adidu Defeza Xina, Koronel Liu Miao, iha Kuartel Jenerál F-FDTL Fatuhada, Dili.
Husi vizita nee ho objetivu katak, vizita nee atu enkontru ho Xefe Estadu Maior Jenerál FALINTIL-Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” hodi atualiza servisu neebe halo tiha ona no koalia, liu-liu konaba Governu Xina atu ajuda harii Hospital Militár ba FALINTIL-Forsa Defeza Timor Leste (F-FDTL ) iha TL.
Enkuantu iha enkontru nee mos Adidu Defeza Xina aproveita aprezenta Adjuntu Adidu Defeza nian foun ba Komando F-FDTL atu nunee servisu hamutuk hametin kooperasaun diak liu tan ba iha futuru.
Entretantu partisipa iha enkontru nee mak Xefe Estadu Maior Jenerál FALINTIL-Forsa Defeza Timor Leste (F-FDTL), Tenente Jenerál Domingos Raúl “Falur Rate Laek”, Adido Defeza Xina Koronel Liu Miao ho nia Adjuntu, Tenente Coronel Domingos Oki no Adjuntu Kampu CEMGFA. Depois enkontru Xefe Estadu Maior Jenerál FALINTIL-Forsa Defeza Timor Leste (F-FDTL) Tenente Jenerál Domingos Raúl “Falur Rate Laek” mos tara tais ba Adjuntu Adidu Defeza Xina, Koronel Liu Miao hanesan simbolu Benvindu no Adidu Defeza Xina mós troka prendas ho Xefe Estadu Maior Jenerál FALINTIL-Forsa Defeza Timor Leste (F-FDTL), Tenente Jenerál Domingos Raúl “Falur Rate Laek”.
(jen)
