DILI, STLTIMORLESTE.com – Gabinete Avaliasaun Lisensiamentu no Akreditasaun (GALA) la halo monitoring ba klase paralelu nivel sekundariu jeral.
Dehan Koordenador Gabinete Avaliasaun Lisensiamentu no Akreditasaun (GALA), Antonio Tomas Maia ba STL iha nia knaar fatin Vila Verde, Dili, Kinta nee (16/01/2025).
“Klase paralelu nee ekstensaun klase deit nee halo hodi fasilita klase ba estudante. Klase paralelu nee kabe kompetensia eskola sentru sira. Nee duni ami la halo monitoring ba eskola lisensiadu sira, tanba ida nee kabe ba ita nian eskola sentru sira no ami la halo monitorizasaun ba klase paralelu sira,” dehan nia.
Iha fatin seluk, Diretor Servisu Edukasaun Munisipiu Ainaro, Patricio da Costa Magno hatete, agora daudaun nee klase paralelu iha Munisipiu Ainaro ensinu baziku 11, ensinu sekundariu jeral 3 no tekvo nee iha 1.
“Agora daudaun atividades ensinu aprendizajen iha klase paralelu hirak neebe ohin hau temi nee lao hanesan baibain, husi ME mai haree klase paralelu, neebe atu taka ou la taka nee kompetensia husi ME,” nia deklara.
Entretantu Diretor Servisu Edukasaun Munisipiu Likisa, Julio da Silva hatete, paralelu iha Munisipiu Likisa 4, nee nível sekundariu hotu, atu taka la prienxe kriteria oinsa, tanba paralelu sira nee iha tinan kotuk estudantes sira partisipa iha ezame nasional lao ho diak.
(jac)