Governu Presiza Promove Setor Agrikultura

Komunidade agrikultor kuda haree. (Foto: Espesial)

DILI, STLTIMORLESTE.com – Fundu Minarai aban bainrua sei hotu, tanba nee governu presiza promove setor agrikultura, liu-liu hasae produsaun ai-haan iha laran, atu nunee Timor Leste labele sosa beibeik hahan importasaun husi rai liur.

Dehan Eis Prezidente Rede Feto, Judite Dias Ximenes ba STL iha nia knaar fatin, Kaikoli, Dili, Kuarta (22/01/2025).

“Fundu Minarai loron ida sei hotu. No ida neebe mak sei garante ekonomia mak setor agrikultura, tanba nee mak Governu presiza promove setor agrikultura liu husi hasae produsaun rai laran, nunee labele sosa beibeik hahan importadu sira,” katak nia.

Nia dehan, Timor Leste iha area produtivu barak, tanba nee mak presiza dezenvolve no presiza mos fo apoiu ba setor agrikultura sira liu husi hadia irigasaun sira, nunee povu sira bele kontinua halo toos no natar bele hasae ai-haan rai laran no redus hahan neebe mai husi rai seluk.

Nunee mos Visi Diretor HAK, Antonino de Limas hatutan, dezde ukun aan tesik mai koalia ona atu dezenvolve setor agrikultura no tau prioridade neebe lo-loos, maibe seidauk implementa ho diak, maske Primeiru Ministru dehan ona ida nee presiza implementa.

Joven bele halo toos maibe kondisaun saida Governu iha politika ba setor agrikultura mak saida, oinsa ho irigasaun, tanba durante nee irigasaun barak aat natar lubuk abandona.

Entretantu Peskizador AJAR, Inocencio de Jesus Xavier hatete, Governu presiza dezenvolve setor agrikultura, tanba setor nee mak sei substitui ba fundu minarai bainhira maran.

(eme)

Share it :

Leave a Reply

Your email address will not be published. Required fields are marked *