DILI, STLTIMORLESTE.com – Padre Richardo Pasang, SVD hatete, hamutuk ho Santa Maria sai fatuk moris neebe fiar no haree.
Padre Richardo Pasang, SVD hatoo lia hirak nee ba STL, Kinta nee (28/05/2026) hatete, hamutuk ho santa maria, aprende sai fatuk moris neebe fiar no haree (marcos 104652) Imi mak nasaun neebe Maromak hili povu Maromak nian 1 Pedro 29.
“Pedro fo hanoin mai ita, ita laos fatuk neebe mate. Ita mak fatuk moris neebe Nai harii sai uma espiritual. Nia bolu ita atu sai sarani Nai nian, povu santu. Se maka ezemplu dahuluk ba “fatuk moris”? Santa Maria. Nia dehan Fiat Saida neebe mak o dehan, akontese mai hau. Maria husik Maromak forma nia moris, husi Nazare neebe kiik, sai Templu Maromak nian neebe lori Jesus. Nia la kontra, la husu hau hetan saida, maibe fiar no entegaan tomak,” dehan Padre Richard.
Padre Richardo dehan ohin loron ema Nai bolu atu sai fatuk moris. Nee signifika husik Maromak forma ema nia moris, maske sente hanesan hakanek, la tahan, la konfortavel. Hanesan Maria, ema bolu atu fiar uluk, hafoin mak komprende.
“Mestre, hau hakarak haree Marcos 1051 Bartimeu matandelek, tuur iha dalan Jeriko ninin. Ema barak haruka nia hakmatek, maibe nia hakilar makaas liu tan, Jesus, David nia Oan, laran tolu mai hau, No Jesus kura nia. Bartimeu “haree” kedas ona no tuir Jesus iha dalan,” katak Padre.
Padre hatutan tan katak, Santa Maria mos iha matan fiar neebe haree klean liu. Bainhira Simeon profetiza katak espada sei dada nia fuan, bainhira Jesus lakon loron 3 iha Templu, Maria rai buat hotu iha nia fuan no reflete. Nia haree Maromak nia planu maske la komprende.
“Dala barak ita hanesan Bartimeu antes kura, matan nakloke maibe fuan taka. Busy deit haree problema, moras, sala, too la haree Maromak neebe liu. Maria hanorin ita atu halo orasaun, Buka hau nia fuan no matan, Nai. Tanba fiar loos laos hatene deit, maibe iha korajen atu hakilar, iha korajen atu husik tiha rohan pasadu nian, no tuir Jesus iha krus nia dalan,” dehan Padre.
Bibi atan kreda katolika nee dehan pergrina hamutuk ho santa maria iha loron nee, Sai “Fatuk Moris” Loron nee, ema nia moris nia parte saida mak ema seidauk haketak atu Maromak labele forma? Fo dalan ba Nai atu tahan emaa, hanesan Maria neebe fo nia an sai fatin ba Jesus atu Moris seguru.
“Aprende haree ita nia matan delek espiritual saida mak agora? Sente tauk? Sala pasadu? Sala nia habitos? Hakilar hanesan Bartimeu “Nai, laran tolu mai hau. Maria sei lori ita ba nia Oan, Haklaken Maromak nia laran luak Ita Nai hili atu haklaken Nia nia grasa boot sira. Hanesan Maria neebe ba kedas ba vizita Elizabet hafoin simu mensagem Ksolok, ita mos Nai haruka atu sai mensagem ksolok baa maluk sira,” dehan Padre
Iha biban nee padre mos harohan ba nain feto katak “O Inan Maria, o mak fatuk moris dahuluk neebe fiar maske la haree. Hanorin mai ami korajen atu hakilar ba Jesus hanesan Bartimeu, no husik Nia kura aminia fuan nia matandelek. Buka ami nia matan atu haree Maromak nia planu, atu ami nia moris mos sai uma espiritual neebe louva nia Amen,” hakotu.
(eme)
