DILI, STLTIMORLESTE.com – Bainhira atu hadia kualidade iha ensinu superior, mak daudaun nee Instituto Ciência Saúde (ICS) haruka ona ninia dosentes sira ba kontinua estudu iha Indonezia, Brazil no Portugal.
Lia hirak nee hatoo husi Reitor Instituto Ciensia Saude (ICS), Leao Borges ba STL iha nia knaar fatin Balide, Kinta nee (18/06/2026).
“Hau hanoin atu hadia kualidade iha ensinu superior nee mak ami nian dosentes barak ba kontinua mestradu iha Indonezia, Portugal no Brazil, ami iha mos dosen terbang husi parte Indonezia no Australia, fo aula iha ICS, balun online no of line,” nia informa.
Iha parte seluk, Reitor East Timor Coffee Institute ( ETCI), Mateus Maia de Jesus dehan, East Timor Coffeeafatin hasae kualidade dosentes no daudaun nee dosentes 11 kontinua estudu iha rai liur.
“Ami nian kapasitasaun dosentes ba tinan ida nee laiha, maibe tanba iha tinan kotuk ami haruka tiha ona, tanba antes nee ami haruka ona dosentes ba kontinua estudu iha rai liur hamutuk 11, nee ba iha nasaun Indonezia ho Brazil, nee ba mestradu ho doutoramentu, dosentes 11 nee ba iha area agrikultura hotu,” dehan nia.
(jac)
