DILI, STLTIMORLESTE.com – Hospital Nasional Guido Valadares (HNGV) hahu uitliza ona makina Raio-X no Panoramik iha Departamentu Imagiologia (Radiologia), hodi halo atendimentu ba pasiente sira.
Tuir komunikadu imprensa neebe STL asesu husi media HNGV, Tersa nee (11/08/2026) katak, HNGV kompra makina Raio-X no Panoramik hodi utiliza ona ba pasiente sira iha Departamento Imagiologia (Radiologia), hodi halo atendimentu ba pasiente sira, neebe kada loron ida husi 10 too ema 150.
Makina Raio-X ho marka DRGEM, kuantidade rua 2, kapasidade 150 kv no MA 800 ho funasaun atu haree visual pasiente nia isin-lolon laran hodi detekta fratura ruin, infesaun pulmaun nian hanesan tuberkuloze, abdomen (kabun) Cranium (Ulun) Carvical (Kakorok), media kontras no pelvis.
Alende nee mos kompra makina panoramic hamutuk 1 ho marka My mayer ho kapasidade KV 90 MA 10 ho funsaun atu detekta ba moras nehan liu-liu nehan neebe hetan estragus (dodok), infesaun iha nehan nia abut no mosu nehan oan.
Planu kompra ba makina refere mai husi Diretur Ezekutivu HNGV, dr. Nuno Vital Soares ho Membru Konsellu Diretiva HNGV no Departamentu Radiologia neebe uza Orsamento Geral do Estado (OGE), no fornese husi komapanhia 3D Life, Unipessoal Lda.
(dom)
