DILI, STLTIMORLESTE.com – Prezidente Republika (PR), Jose Ramos Horta hatete, kazu roo Haksolok iha ona Komisaun Anti Korrupsaun (KAK) nia liman, tanba nee labele kahur fali ho problema SEATOU neebe uza forsa sobu komunidade nia uma.
Prezidente Republika Jose Ramos Horta hatoo kestaun nee ba jornalista sira, bainhira remata vizita Estadu ba Davos fila hikas mai iha Timor Leste iha Aeroportu Internasional Nikolao Lobato, Komoro, Dili, Sabadu (25/01/2025).
“Roo Haksolok kleur ona iha KAK, nee KAK nia responsablidade. Nee tenke haree hau rasik hatete kleur ona no osan boot US$ 40 milhões ona, primeiru hahu US$ 14 milhões depois sae US$ 30 milhões, depois ita sosa tan fali kompanhia ida bankrota, klaru nee tenke haree duni, maibe labele kahur fali roo Haksolok ho SEATOU,” katak PR Horta.
Prezidente Republika dehan, se mak viola povu nia dignidade, ema neebe kiak ona buat nee PR sei haree.
Antes nee Deputada husi Bankada CNRT husu Prezidente Republika karik keixa SEATOU ba Ministeriu Publiku, diak liu keixa mos kazu roo Haksolok nomos Ponte Bekusi inklui Aviaun ZEEMS.
(eme)