Idade Kiik Sai Veteranus, Xanana: Ministru Mak Deside

Primeiru Ministru, Kay Rala Xanana Gusmão. (Foto: Media PR)

DILI, STLTIMORLESTE.com – Lista veteranus neebe taka sai husi Ministeriu Asuntu Kombatente Libertasaun Nasional (MAKLN) foin lalais halo publiku duvida, tanba joven balu neebe moris iha tinan 1990 mos naran sai, ho preokupasaun nee Primeiru Ministru hatete, ida nee Ministru mak hatene, tanba nia mak deside.

Primeiru Ministru (PM) Kay Rala Xanana Gusmão hatoo lia hirak nee ba jornalista sira, bainhira remata halo enkontru ho Prezidente Republika (PR) Jose Ramos Horta iha Palasiu Prezidensial Nicolau Lobato, Dili, Kinta (16/01/2025).

Primeiru Ministru hatete, joven neebe mak moris iha 1990 no balu moris iha tinan 1991, maibe naran sai hotu nuudar veteranus, ida nee nia (Xanana) la hatene, tanba nia laos veteranus, no ema neebe mak deside naran no publika nee Ministru Asuntu Kombatente Libertasaun Nasional, laos Primeiru Ministru.

“Primeiru hau deklara ba imi katak, hau laos veteranus, hau veteranus ita ba rejista hau laos veteranus, segundu se iha ministru ida haree ba kestaun ida nee husu ba nia mak rezolve,” katak Xanana Gusmão.

Foin lalais IX Governu Konstitusional liu husi Ministru Asuntu Kombatente Libertasaun Nasional nomos Konselhu Kombatente Libertasaun Nasional anunsia ona lista naran kombatentes nasional neebe molok nee rejista iha 2009.

(eme)

Share it :

Leave a Reply

Your email address will not be published. Required fields are marked *