DILI, STLTIMORLESTE.com – Institutu Defeza Nasional (IDN) finaliza ezame monografia ba partisipante sira terseiru Kursu Estadu Maior Konjunta Integradu, iha loron 31 Janeiru 2025.
Diretor Interinu IDN, Guilherme Soares dehan, formsaun neebe IDN fo nee formasaun sira neebe superior, ba sira neebe mai ho Inspetor Xefe ba kursu Ofisial Superior no ba sira neebe mak kursu Estadu Maior nomos ba sira neebe superintendente assistente.
“Tinan ida nee planu husi IDN mak atu realiza mak 4 edisaun ba Kursu Estadu Maior Konjunta Integradu, kursu ida nee ba nível Superior sira neebe mai ho postu superintendente assistente, no sira neebe Maijor no Tenente Koronel neebe seidauk tuir Kursu Estadu Maior,” hatete Guilherme Soares ba jornalista sira iha Palasiu Governu, Kinta (06/02/2025).
Nia esplika, daudaun nee Diresaun Ensinu Formasaun IDN sei halo hela verifikasaun ba partisipante terseiru Kursu Estadu Maior Konjunta Integradu neebe ho valor diak, sei halo aprezentasaun ba publiku, hodi hein ba prosesa Gradusaun.
Institutu Defesa Nasional kontinua halao sosializasaun 4 Kursu Estadu Maior Konjunta Integradu tinan akademika 2025 too 2026, ba Instutisaun Polisia Nasional Timor-Leste (PNTL) ho FALINTIL – Forsa Defeza Timor Leste (F-FDTL) hodi haruka sira nia ofisial sira ho postu superintendente assistente no superintendente husi PNTL, no Major too tenente Koronel husi FALINTIL Forsa Defeza Timor-Leste (F-FDTL), neebe durante nee seidauk hetan oportunidade formasuan, bele mai kontinua kursu iha IDN.
Nia infroma, iha 4 Kursu Estadu Maior Konjunta Integradu, oportunidade ba ofisial sira ho Postu Major, Tenente Coronel, sira neebe seidauk hetan oportunidade Kursu Estadu Maior nian, no partisipa sira depende nomeiasoins mai husi Instutisaun F-FDTL ho PNTL “ita foin halo sosializasaun ohin,” nia koalia.
Tuir programa IDN ba tina 2025, kontinua 4 kursu ba Estadu Maior Konjunta Integradu, kursu ba Defeza Segurasan Nasional ba ita nia Lider Komunitariu sira, depois mos Kursu promosaun de carácter no sei halo parseria ho komisaun Funsaun Publiku, INAP nia, FDTL ho IDN.
Iha fatin hanesan, Visi Xefe Estadu Maior Jenerál F-FDTL, Major Jeneral Calisto dos Santos ‘Coliati’ esplika, konferensia ida ilha Institutu Defeza Nasional (IDN) atu fo sai ba publiku katak, inisiu ba kurikular foin tinan 2025 too 2026 kona-ba programa kurikular neebe sei hahu iha 2025 too 2026.
“Ita hakarak atu rona liu-liu husi F-FDTL ho PNTL nian, no akademista sira, oinsa mak ajuda IDN ba kurikulu neebe sei halao iha IDN,” nia informa.
Nunee mos Komandante Sentru Formasuan Polisa (SFP) Superintendente Xefe Polísia, Arquimino Ramos esplika, membru PNTL partisipa nee barak ona, iha kursu Ofisial Superior nian, kursu Estadu Maior, iha programa akademia nian mak pos gradusaun iha estratejiku dezidensia nasional, nomos mesteradu dezenvolvimentu sustentavel no ofisal lubuk ida mak partisipa ona.
Entretantu partisipantes nain 15 neebe finaliza sira nia ezame monografia nee mai husi Superintendente Assistente Polisia nain haat (4), Kapitaun Fragata nain rua (2) no Tenente Koronel nain 2, ho Major nain 7 husi F-FDTL, neebe durante fulan 9 partisipa kursu iha IDN.
(jen)
