BAUCAU, STLTIMORLESTE.com – Instituto Superior Cristal (ISC) dada hikas estudante hamutuk nain 520, neebe remata ona pratika komunitaria durante fulan ida iha Munisipiu Baucau.
Estudante hirak nee mai husi Departamentu Enfermajen no Parteira, Fakultade Siensia Saude, neebe estudante sira husi area enfermajen halao pratika komunitaria fulan ida iha Suku Soba, Postu Administrativu Laga no Parteira halao pratika komunitaria durante fulan ida iha Suku Triloka, Postu Baucau Vila.
Durante pratika komunitaria, estudante sira halao atividade sira iha komunidade hodi aplika konhesimentu no kapasidade neebe sira aprende ona durante prosesu formasaun iha akademika.
Pratika komunitaria nee mos sai oportunidade ba estudante sira atu aumenta esperiensia profisionol no kompriende liu tan kona-ba nesesidade saude nian iha nivel komunidade.
Ho remata pratika nee, estudante sira fila fali ba Institutu Superior Cristal atu kontinua sira nia prosesu aprendizajen no atividade akademika.
Entretantu seremonia lori hikas estudante pratika komunitariu ba Institutu Superior Cristal nee realiza iha salaun Sentru Konvensoens Vila Antiga Baucau, prezide direita husi magnifiku reitor Institutu Superior Cristal, neebe hetan partisipasaun husi Komadante Komando Polisia Munisipiu Baucau, Autoridade Suku Soba no Triloka.
(tom)
