DILI, STLTIMORLESTE.com – Jornal Suara Timor Lorosae (STL) tuan ona iha Timor Leste (TL), ba futuru sai jornal neebe mak diak liu tan, liu husi notisia neebe fo sai ba publiku.
Dehan Koordenador Eskola Baziku Filial (EBF) Fatumeta, Jose Manuel Pires ba STL iha nia knaar fatin Fatumeta, Sesta nee (31/01/2025).
“Jornal Suara Timor Lorosae uluk nee ema bolu dehan STT, nee mak sai tiha ba STL, hau mos uluk sai jornalista iha STT nian tempu, nee iha momentu rezistensia ninia, maske buat la barak mak ami sente ona sai jornalista nee saida mak ami hasoru iha momentu neeba, nee duni hau agradese, tanba sai jornalista nee servisu todan boot ida, tanba hau mos sente hanesan jormalista, iha momentu neeba ami sente katak, iha tempu rezistensia nee la hanesan ho agora,” nia afirma.
Nia dehan, uluk hanorin buat neebe mak hasoru, liu-liu ema militar sira, dala barak mak ema mai insulta sira iha servisu fatin, ema koko atu kaer, maibe fiar katak Jornal STL nee jornal ida neebe mak tuan ona no ninia jornalista sira ema profisional tebes-tebes, fiar katak ho aniversariu ba dala 32 nee sei motiva jornalista sira.
“Hau mos uluk sai jornalista iha STL, hau fiar katak ho aniversariu ba dala 32 nee Jornal STL sei sai diak liu tan iha futuru, dala ida tan parabens ba Jornal STL no jornalista sira hotu neebe halao knaar iha STL hodi fo sai ona notisia ba publiku,” katak nia.
(jac)
