DILI, STLTIMORLESTE.com – Relasiona ho faze tranzitoria neebe iha, Juiz sira neebe esperiensia servisu durante tinan 8 iha Tribunal bele partisipa iha selesaun kona-ba Juiz Dezembargador nian.
Tuir Preziente Tribunal Rekusu, Afonso Carmon katak, Juiz neebe servisu tinan 10 mak foin bele avalia hodi passa ba iha segunda klasse, no Juiz segunda klasse tenke servisu tinan 5 maka foin halo avalia hodi hare bele passa ba primeira klasse ka lae, no Juiz Dezembargador no Juiz konseleru tuir lei foun dehan faze tranzitoria.
“Nunee, Juiz sira neebe servisu tinan 8 ba leten, bele partesipa iha selesaun ba dezembargador la hare ba nia klasse neebe iha, Juiz sira neebe atu ba tur iha Juiz konselleru nee sira neebe servisu tinan 10 ba leten, la hare nia valor sufisiente ka bom, maibe rejime tranzitoriu halo avaliasaun ba Juiz hotu, “Dehan Carmona ba Jornalista sira iha Kaikoli, Kuarta (06/05/2026).
Nia hatutan, rekrutamentu tuir Komisaun hari nee, minimu Juiz sira neebe servisu tinan 10 ba leten bele partesipa iha selesaun Juiz Konselleru, ba dezembargador iha Tribunal Rekursu (TR) Juiz sira neebe servisu esperiensia tinan 8 ba leten.
Esplika tan, la koalia konaba promosaun, maibe nee rejimentu tranzitoria deit. Konaba selesaun ba Juiz sira nee, Prezidente Republika fo tempu to iha fulan Novembru, maibe fila fali ba iha Komisaun.
Hatan konaba avaliasaun Juiz sira nia servisu ida nee Inspektor nian agora lao hela, hein deit relatoriu mai husi Inspektor maka foin hatene Juiz sira nia valor hodi promove sira.
Nia hatutan, atu promove tuir klase neebe iha, tuir regra tenke hare husi rezultadu avaliasaun husi Juiz sira nia servisu.
Iha fatin ketak, Akademiku UNTL, Rafael de Jesus dehan, ohin loron rekursu umanu iha Tribunal Rekursu sei menus, tanba nee presija duni aumenta Juiz ba iha neeba.
“Hau hanoin ita nia numeru rekursu umanus konaba Juiz sira iha TR sei menus, tanba nee presija duni liu husi promosaun atu koloka balu ba iha neeba,” dehan nia.
Informa tan, ohin loron Timor oan rasik bele lori ona sira nia sektor justisa lao ba oin, hodi halo prevensaun ba krime sira neebe iha.
(ter)
