BAUCAU, STLTIMORLESTE.com – Kareta patrolhu husi Komando Polisia Munisipiu Baucau hetan tuda iha area Bugaiti, Vila Nova, Baucau Vila, iha ambitu ekipa futebol Portugal lakon ho Espana.
Tuir informasaun neebe STL asesu iha Komando Polisia Munisipiu Baucau, loron 07 Julhu 2026 parte madrugada ekipa task force halao nia servisu patrolhu iha sidade Baucau no too momentu jogu entre Spaynol Vs Portugal termina ho skore 1-0 iha madrugada Oras Timor-Lestr, parte ekipa task force sira ho kareta patrolhu too area Bugaiti, Vila Nova, Baucau Vila hetan tuda husi ema deskonhesidu.
Tuir informasaun seluk neebe STL hetan husi komunidade balu iha area refere, hafoin jogu entre Espana Vs Portugal remata ho skore 1-0, rona tarutu husi tuda iha estrada publiku diresaun Bugaiti ba edifisiu Komando Polisia Munisipiu Baucau.
Kareta patrolhu husi Komando Polisia Munisipiu Baucau neebe utiliza husi ekipa task force hetan tuda sapa matrikula 06.806 G TL, maibe ho kondisaun diak atual para iha edifisiu Komando Polisia Munisipiu Baucau.
Liga asuntu nee, STL tenta komfirma Komadante Komando Polisia Munisipiu Baucau, maibe liu husi Gabinete hatan, Komadante laiha fatin atu fo komentariu.
(tom)
