DILI, STLTIMORLESTE.com – Kazu omisidiu agravadu neebe foin lalais akontese iha Munisipiu Kovalima, deskonfia inan feto ida hetan oho husi sira nia maluk ka saudara PSHT, kazu nee PNTL Kovalima rejista ona iha Ministeriu Publiku (MP) ho NuK 0016/2026 CVSLL.
“Polísia rejista ona kazu nee iha Ministériu Públiku, neebe prosesu imvestigasaun la’o hela, ami hein delegasaun kompeténsia karik iha prosesu imvestigasaun, bainhira iha delegasaun Kompeténsia, DSIK sei tun ajuda halo investigasaun kona-ba kazu nee,” hatete Portavos PNTL, Superientendente Polisia João Belo Dos Reis ba jornalista sira iha Komando Jeral PNTL Caicoli, Kinta (06/07/2026).
João Belo esplika, temporariamente ba kazu nee polisia halo identifikasaun iha elementu ida mak polisia tau hanesan suspeita ba kazu ida nee.
“Maibe prosesu investigasaun polisia hein delegasaun jompetensia husi MP, ita sei haklean, sese mak involve iha laran,” nia Informa.
Konaba vítima ida neebe deskonfia lakon, Portavós Polísia Nasionál Timor Leste (PNTL), Superintendente Xefe João Belo dehan, too agora informasaun seidauk hetan vítima nee ninia isin mate no ninia hela fatin ruma.
“Seidauk iha ema ida mak ita suspeita, tanba nee mak ita seidauk bele fo sai informasaun, bainhira ita suspeita ona foin ita haruka ba Ministeriu Publiku halo delegasaun kompetensia mandandu mai ita detein, maibè kazu nee ita rejista ona iha Ministeriu Publiku,” nia afirma.
(jen)
