Komunidade Aldeia Kuan Ob Halerik Ba Bee Moos

Xefe Suku Ban Afi, Jorge Lalus. (Foto: STL/Joseph Koa)

AMBENO, STLTIMORLESTE.com – Komunidade iha Aldeia Kuan Ob, Suku Ban Afi, Postu Admistrativu Nitibe, Rejiaun Administrativu Espesial Oekusi-Ambeno (RAEOA), sei kontinua halerik kona-ba bee moos.

Informasaun nee hatoo husi Xefe Suku Ban Afi, Jorge Lalus ba STL iha Kapital Oekusi, Segunda nee (03/02/2025), katak iha ninia Suku Ban Afi, liu-liu iha Aldeia Kuan Ob kontinua halerik kona-ba bee moos.

“Iha hau nia Suku Ban Afi, Postu Administrativu Nitibe, komunidade sira sei kontinua halerik kona-ba bee moos,” konfesa Jorge Lalus.

Nia haktuir tan katak, durante nee husi United Nation Development programmer (UNDP) survei ona bee matan nee.

“Hau nuudar Autoridade sempre ba husu ekipa husi UNDP, maibe sira nia resposta katak, projetu atu dada bee moos ba komunidade Aldeia Kuan Ob seidauk bele realiza,” dehan Jorge Lalus.

Nia espera katak, UNDP bele kontinua siira nia programa iha Suku Ban Afi, hodi dada bee moos ba iha komunidade Aldeia Kuan Ob iha Suku Ban Afi neebe baliza ho Postu Administrativu Nitibe, Rejiaun Oekusi.

(jos)

Share it :

Leave a Reply

Your email address will not be published. Required fields are marked *