DILI, STLTIMORLESTE.com – Profesores nain rua (2) husi Ensinu Baziku Sentral (EBC – sigla português) Manleuana ho kondisaun moras no la ativu hanorin estudante sira iha eskola.
Lia hirak nee hatoo husi Diretor EBC Manleuana, Carlos Correia ba STL iha nia knaar fatin Manleuana, Dili, Segunda nee (20/01/2025).
“Ami nian profesor sira nee seidauk hatama karta rekerimentu ruma ba iha reforma, tanba husi Komisaun Funsaun Publika (KFP) dehan katak, sei hein ba tinan ida nee iha teste ba profesores foun sira, bainhira profesor sira kompletu ona nee bele reforma ona, maibe laos dehan obrigatoriu, primeiru sei haree uluk ba ida neebe mak ho kondisaun moras grave liu, hanesan balu struk, moras labele lao ona,” nia afirma.
Nia dehan, iha nee prioridade profesores nain 2 mak moras hela, maibe seluk nee hein despaisu husi Ministeriu tun mai eskola, nee duni profesores nain 2 durante nee sira la ativu ona, neebe profesores nain 2 mak la ativu hanorin estudante sira iha eskola, tanba sira ho kondisaun moras grave.
“Agora nain 2 nunee mak idade atu tama ba iha reforma, maibe too agora sira seidauk hatama karta reforma, tanba sira hein despaisu husi Ministeriu Edukasaun ba sira, nee duni sira kontinua ativu hanorin ita nian estudantes sira,” dehan nia.
(jac)