Konselhu Ministru Estende Mandatu KE-ZEEDOA

Reuniaun Konselhu Ministru. (Foto: Espesial)

DILI, STLTIMORLESTE.com – Governu liu husi reuniaun Konselhu Ministru estende mandatu Komisaun Ezekutivu Zona Ekonomiku Espesial Oekusi Ambeno (KE-ZEEDOA) ba fulan tolu tan.

Liu husi reuniaun Konselhu Ministru, Kinta (30/01/2025), iha Palasiu Governu, no aprova projetu Rezolusaun Governu nian neebe aprezenta husi Primeiru Ministru, Kay Rala Xanana Gusmão, ba alterasaun daruak ba Rezolusaun Governu nu. 7/2024, loron 24 fulan Janeiru, neebe kria Komisaun Ezekutiva ho objetivu atu estabelese Zona Dezenvolvimentu Ekonomiku Espesial iha Oekusi Ambeno.

“Alterasaun nee estende mandatu Komisaun Ezekutiva nian ba fulan tolu tan, too fulan Abríl 2025 nia rohan, hodi konsidera kompleksidade husi misaun neebe atribui no nesesidade atu kompleta knaar esensial sira neebe sei halao hela. Too períodu nee nia rohan, komisaun nee tenke aprezenta proposta ba enkuadramentu orgániku Zona Ekonómika Espesiál iha futuru, hodi garante nia inkluzaun iha preparasaun síklu orsamentál 2026 nian”, haktuir Komunikadu neebe STL asesu, Kinta (30/01/2025).

Aleinde nee, Konselhu Ministru delibera hodi fo instrusaun ba Ministru Administrasaun Estatal, reprezenta Estadu, hodi notifika adjudikatarias iha kontratu publiku LCB/006/MAE/2020 no LCB/007/MAE/2020, kona ba jestaun reziduu solidu urbanu no lixeira Tibar, hodi kumpri sira nia obrigasaun kontratual iha prazu masimu loron 15 nia laran.

(gui)

Share it :

Leave a Reply

Your email address will not be published. Required fields are marked *