Lista Veteranu KAK Halo Intervensaun, Indisiu Krimi Hatoo Ba MP

Foto: Espesial

DILI, STLTIMORLESTE.com – Relasiona ho lista veteranu neebe oras nee daudaun sai ema hotu nia preokupasaun, husi Komisaun Anti Korrupsaun (KAK) sei haree ba ida nee, maibe la halo impedimentu, halo deit intervensaun.

“KAK la halo impedimentu, KAK nia intervensaun atu chek list veteranus lo-loos, simu veteranu falsu tenke retira husi lista no tenke halo prosesu,” dehan Komisariu KAK, Rui Pereira ba jornalista sira iha salaun MSSI, Kaikoli, Dili, Kinta (23/01/2025).

Nia hatutan, mekanizmu rua mak KAK sei uza, ida halo partisipasaun ba iha Ministeriu Publiku (MP) kuandu iha indisiu krimi, no ida administrativamente sei haruka ba iha Ministeriu atu hasai sira husi lista.

Ema sira neebe hasai husi lista rekomendasaun mai husi KAK, ema la kontente bele kontesta ba Tribunal, depois mak KAK ba hatan.

Sei haree ba iha responsável sira, tanba iha fatin balu deskonfia kandidatu ema nain ida, depois osan sai mak fahe, buat sira nee mak halo lista boot.

Iha fatin ketak, Akademiku UNTL, Rafael de Jesus dehan, ema hotu iha lei nia okos, se mak halo sala tenke prosesa.

“Ema hotu iha lei nia okos, tanba nee se mak halo sala iha lei atu regula, tanba hanesan sidadaun neebe diak tenke halo buat hotu tuir lei neebe iha,” dehan nia.

(ter)

Share it :

Leave a Reply

Your email address will not be published. Required fields are marked *