DILI, STLTIMORLESTE.com – Madre Guilhermina Marçal hatete, joven, labarik no inan aman sira presiza hadook aan husi buat aat no presiza dezempenha ba ba buat diak.
Madre Guilhermina Marçal hatoo kestaun nee ba jornalista sira, bainhira remata halo enkontru ho Prezidente Republika, José Ramos Horta iha Palasiu Prezidensial Nicolau Lobato, Bairo Pite, Dili, Tersa (11/02/2025).
Prezidente Republika dehan, atu hadook aan nee depende husi idak-idak nia aan rasik, tanba nee presiza identifika ida neebe diak no ida neebe aat.
“Ba joven labarik no ema boot ka inan aman, ita atu hadook aan nee depende husi ita nia aan rasik, ita fiar aan katak ida neebe diak ida neebe aat no ida neebe los no ida neebe lalos, ida neebe aat, ida neebe sala uluk nanain mak ida nee,” katak Madre.
Madre dehan, prepara aan laos tuur iha universidade ka kantor, maibe dezempenha aan husi parte oin-oin.
“Hafoin ba joven sira katak, buka atu prepara aan nee laos tuur iha universidade mak prepara aan, laos tuur iha kantor mak sai ema maibe ita joven baibain dezempenha nia aan iha parte oin-oin, ezemplu iha agrikultura, ita nia rai produtivu tebes, ita nia tasi riku los, agora tenke kria meius para bele oinsa mak intensiva joven sira hodi halo buat ruma para bele hadook sira husi sira nia hahalok sira la diak,” katak Madre.
Madre hatutan, dala barak dehan joven aat, joven laos aat maibe joven enerjitiku, maibe tanba la kanaliza didiak sira nia enerjia pozitivu.
“La kanaliza didiak sira nia enerjia pozitivu sira nee mak, enerjia pozitivu nee transtorma tiha ba enerjia negativa hodi halo problema mais pornatureza laiha ema ida aat,” katak Madre.
Iha biban nee, Madre mos husu nafatin hatoman aan ho fiar hodi lee biblia atu hametin fiar, nunee bele hadook aan husi hahalok aat, liu-liu hadook aan husi problema no krimi sira.
(eme)
