DILI, STLTIMORLESTE.com – Ministeriu Administrasaun Estatal (MAE) hahu halo konstrusaun edifisiu eskola sala aprendizajen tolu (3) no eslritóriu ida (1) iha EBC Manleuana.
Lia hirak nee hatoo husi Diretor EBC Manleuana, Carlos Correia ba STL iha nia knaar fatin Manleuana, Sesta (19/06/2026).
Nia dehan, kona-ba governu liu husi ME nian atu halo konstrusaun sala aprendizajen ho andar nee seidauk lao, maibe daudaun nee husi MAE mak hahu halo ona konstrusaun sala tolu inklui eskritoriu ida.
“Hau hanoin konaba konstrusaun edifisiu sala foun tolu iha ami nian eskola agora daudaun lao hela, nee duni sira fo fulan rua, nee halo husi ita nian Autoridade Munisípal mak halo konstrusaun ida nee, husi parte Estatal ninia mak halo konstrusaun ida nee, halo sala tolu no eskritiriu ida. Konstruksaun nee foin hahu iha fulan Junhu nian laran,” nia haktuir.
Nia dehan, MAE liu husi kumitariu mak halo konstrusaun ba sala foun tolu inklui eskritiriu ida, nee halo baibain deit la andar ida, konstrusaun nee halo durante fulan rua nian laran, nee duni fulan Agostu tinan nee sira tenke entrega ona.
“Dezafiu neebe ami infrenta mak liu-liu konaba sala aprendizajen ninia, tanba ami nian profesores nee kompletu hela, ami nian sala mak seidauk sufisiente, ami iha sala 15, sala 3 halo rahun tiha, hela sala 12,” tenik nia.
Entretantu Diretor Eskola Sekundariu Jeral FINANTIL, Aniceto Berlelo katak, eskola nee risku ba iha inundasaun liu-liu bee nalihun iha sala aprendizajen nia oin, tanba nee natureza, tanba nee mak atu halo konstrusaun foun nee presiza aumenta sala de aula.
(jac)
