DILI, STLTIMORLESTE.com – Ministeriu Edukasaun (ME) realiza seminariu Ensinu Sekundariu Tekniku Vokasional (ESTV) ho tema “Haforsa Edukasaun Teknika Profisional ba Dezenvolvimentu Sustentavel Timor Leste Nian” hodi bele hakbiit dirijenti iha Tekvo.
Haktuir Ministru Edukasaun Interinu (ME), Domingos Lopes Lemos ba jornalista sira iha salaun Ian Martin Balide, Kinta nee (05/12/2024).
“Foin primeira vez ME halo seminariu ida, liu-liu ba ESTV iha tinan ida nee. Inprinsipiu hau hanoin programa nee kapas tebes-tebes, tanba atu hakbiit profesores, dirijenti ensinu tekvo sira, tanba maioria diretu no adjuntu neebe mak iha foun, tanba nee agora daudaun ami halo seminariu ida nee fahe espriensia barak ba sira atu nunee sira dezenvolve diak liu ensinu Tekvo iha sira nian eskola,” nia dehan.
Nia haktuir, dirijenti ho profesores sira nee anivel territóriu mai hotu, tanba nee seminariu ida dedika direitamente ba sira, neebe sira nian prezensa maioria iha nee. Seminariu nee sei halao durante loron rua nian laran, formador sira nee iha ajensia sira neebe mak durante nee halo kooperasaun.
(jac)
