ME Husu Valor 60-65 Mantein Hein

Diretor Nasional Rekursu Umanus husi Ministeriu Edukasaun, João Amaral. (Foto: STL/Jacinta Sequeira)

DILI, STLTIMORLESTE.com – Ministeriu Edukasaun (ME) liu husi rekursu umanu husu ba profesores neebe ho valor 60 too 65 mantein hein, hodi hein nesesidade eskola neebe menus profesores.

Haktuir Diretor Nasional Rekursu Umanus husi ME, João Amaral ba STL, Tersa (04/02/2025).

“Foin daudaun iha dia 13 too 17Janeiru, ami reanunsia fo sai atu sira mai hadia fila fali sira nia naran, data moris, nunee karik Rekursu Umanus iha ona orientasaun husi superior sira katak, atu koloka sira mai ho dadus neebe mak konkretu ona. Segundu kona-ba sira neebe mak iha hela bolsa ho valor 60 too 65, ida nee parte Rekursu Umanus sei hein hela, kada nível do ensinu identifika profesores iha kada munisipiu, neebe mak quadro pesoal neebe sei identifika iha terrenu, eskola iha munisipiu neebe mak sei menus profesores,” nia afirma.

João dehan, quadro pesoal identifika eskola iha munisipiu neebe mak sei menus profesores, bazeia ba ida nee mak Rekursu Umanus halo prosesu ba buat neebe sira hatoo mai, maibe sira nee durante tinan tolu iha bolsa nia laran, hodi hein nesesidade eskola nian ou tuir ekipa quadro pesoal neebe tun ba identifika iha eskola munisipiu hotu.

Nia akresenta, profesores ho valor 60 too 65 nee iha ona bolsa, tanba nee hodi hein nafatin, tanba halo kolokasaun bazeia ba quadro pesoal identifika eskola neebe menus profesor, no identifika tuir nesesidade eskola nian iha territoriu tomak.

(jac)

Share it :

Leave a Reply

Your email address will not be published. Required fields are marked *