DILI, STLTIMORLESTE.com – Ministeriu Edukasaun (ME) iha ona planu tinan nee sei halo rezidensia ba profesores neebe mak antes nee koloka ona ba eskola iha munisipiu idak-idak.
Liafuan nee hatoo husi Diretor Nasional Rekursu Umanus ME, João Amaral ba STL iha nia knaar fatin Vila Verde, Tersa (04/02/2025).
“Ministeriu iha planu hotu ona, tanba iha tinan kotuk ita tau osan ba rezidensia ba ita nian profesor sira, maibe bainhira mak ita implementa ida nee, maibe ita iha planu ona, ho ida nee mak kuandu ita koloka ho osan neebe mak atu aguenta lai hodi hein rezidensia neebe mak tuir planu ministeriu nian,” nia esplika.
Nia hatutan, planu ME nian atu halo rezidensia ba profesores nee iha tinan ida nee nia laran, agora bainhira mak atu halo nee, depende ba orsamentu neebe mak tau ona ba iha planu ida nee.
Iha fatin la hanesan, Diretor Edukasaun Munisipiu Ainaro, Patricio da Costa Magno hatete, profesores neebe mak Ministeriu Edukasaun koloka mai iha Munisipiu Ainaro, iha primeiru kolokasaun hamutuk 42 no iha faze segundu hamutuk 43 hamutuk 85.
(jac)