DILI, STLTIMORLESTE.com – Ministeriu Edukasaun (ME) la prepara uniforme nasional ba estudante sira, maibe fo ninia modelu kor no inan aman mak sei prepara farda nee.
Liafuan nee haktuir husi Sekretariu Estadu Ensinu Sekundariu Jeral no Ensinu Sekundariu Tekniku Vokasional, Domingos Lopes Lemos ba jornalista sira iha salaun Ian Martin Balide, Tersa (11/02/2025).
Nia hatete, realidade halo tiha lansamentu farda, neebé momentu neeba Primeiru Ministru mos mai hotu, maibe ninia implementasaun mos la fasil hanesan saida mak ema hotu hakarak, tanba lakohi atu prejudika fali inan aman estudantes sira ho presu kada unidade farda no lakohi mos kapasidade inan aman sira la too.
“Neebe ita sei halo sosializasaun iha eskola sira. Ita fo ona orientasaun ba Diretor Edukasaun sira para sira bolu Diretor Eskola sira bele halo esplikasaun,” dehan nia.
Nia hatete, kuandu lansa ona uniforme nasional nee klaru despaisu neebe mak iha tiha ona Diretor Edukasaun sira, tanba nee mak esplikasaun nee beibeik ona iha media katak, ME fo deit ninia modelu kores ba munisipiu too iha eskola sira, inan aman sira mak prepara farda nee, laos ME mak prepara farda, lae, neebe inan aman sira barak hatene.
(jac)
