DILI, STLTIMORLESTE.com – Relasiona ho loron aniversáriu Sentru Instrusaun Komandate Nicolau Lobato (CICNIL) ba dala 24, Komando FALINTIL Forsa Defeza Timor-Leste (F-FDTL) realiza atividade kompetisaun tiru husi membru F-FDTL, neebe mai husi komponente idak-idak hodi kompete, oinsa prosedimentu tatiku no tekniku tiru nian.
“Ami loke atividade ohin loron nian nee loron ezistensia CICNIL nian neebe sei monu iha 19 Fevereiru, entaun ami loke kompetisaun ba unidade komponente sira hotu kona-ba prosedimentu taktiku no tekniku tiru,” hatete Komandante Forsa Apoio Jeral F-FDTL, Koronel Celestino Pinto ‘DAELEBA’ ba jornalista sira iha Sentru Instrusaun Komandate Nicolau Lobato (CICNIL), Metinaro, Segunda (17/02/2025).
Nia dehan, wanhira membru F-FDTL sira halao ona kompetisaun tiru tama ona Metinaro no sira sei tiru iha area tiru nian, nomos sei loke tasa FALINTIL neebe agora daudaun iha CICNIL, neebe iha tempu badak sei loke.
“Iha serimonia aniversariu ida nee mos ita sei konvida parseiru sira no Ministru Defeza, Eis Jeneral no Eis PR, Eis PM ,Taur Matan Ruak, atu mai halo palestra ba iha aniversáriu CICNIL nian,” dehan nia.
(jen)
