DILI, STLTIMORLESTE.com – Tekniku husi Ministeriu Ensinu Superior Siensia no Kultura (MESSK) sei verifika hela relatoriu husi universidade, ho nunee bele aloka subensaun ba univeridade sira.
Ministru Ensinu Superior Siensia no Kultura (MESSK), Jose Honorio da Costa Pereira Jeronimo hatoo lia hirak nee ba jornalista sira iha nia knaar fatin, Sesta nee (21/02/2025).
“Agora ami nian tekniku sira verifika hela relatoriu, kuandu sira nian relatoriu diak no kompletu ona Governu ou Ministeriu aloka fila fali subensaun ba universidade sira nee depende ba orsamentu neebe mak iha, nomos depende ba husi universidade sira nian programa neebe mak sira hatoo mai, tanba teknika sira sei haree komesa ona, teknikamente para ami bele aloka orsamentu ba sira,” dehan nia.
Iha fatin seluk, Mateus Maia de Jesus, hanesan Reitor EAST Timor Coffee Institute (ETCI) hatete, subensaun neebe mak Governu liu husi Ministeriu Ensinu Superior fo nee hanesan atu fo apoiu ba instituisaun ensinu superior sira, no instituisaun sira mos halo sira nian relatoriu bazeia ba planu programa neebe mak iha.
“Hau hanoin subensaun neebe mak governu liu husi Ministeriu Ensinu Superior fo nee hanesan atu fo apoiu ba instituisaun Ensinu Superior sira, no instituisaun sira mos halo sira nian relatoriu bazeia ba planu programa neebe mak iha,” nia dehan.
(jac)
