DILI, STLTIMORLESTE.com – Oras nee daudaun fasilidade hanesan meza kadeira, kaderneta eskolar, inklui profesores hanorin sufisiente hela ba estudante sira.
“Ami nian meza kadeira ba estudantes sira mos sufisiente ona, kaderneta eskolar mos hanesan ba ami sufisiente ona. Ami nian profesores hanorin sufisiente hela ba ami nian estudantes sira, tanba ita nian estudante sira iha kada sala uza meza no kadeira neebe mak iha hodi partisipa iha aprendizajen ba kada materia husi profesor sira,” dehan Diretor EBC Manleuana, Carlos Correia ba STL iha nia knaar fatin Manleuana, Tersa nee (18/02/2025).
Aleinde nee mos osan konsesaun eskolar ba tinan ida nee seidauk tama too agora, dala ruma bele too iha fulan Abril nia laran, maibe relatoriu husi tinan kotuk nian eskola hatama tiha ona, maibe hela tinan ida nee nian mak seidauk tama, nee duni meza kadeira ba ami nian estudantes sufisiente hela, tanba estudantes sira bele tur hodi tuir prosesu ensinu aprendizajen husi profesores.
Iha parte seluk, Lucas Brandao da Silva hanesan Koordenador EBF Bairo Pite hatete, meza kadeira nee importante tebes-tebes, tanba atu fasilita estudantes sira tur hodi tuir aprendizajen, nee duni sira nian meza no kadeira sufisiente hela.
(jac)
