DILI, STLTIMORLESTE.com – Ministeriu Interior (MI) ho Diresaun Nasional Transportes Terrestres (DNTT) hamutuk ho Diresaun Tranzitu Seguransa Rodoviario Nasional (DTSRN) realiza sensibilizasaun Segurasa Rodaviariu ba etudante Cristal, hodi utuliza estrada publiku tuir lei kodigu estrada lei nu. 6/2003 prevene asidente.
Diretor Nasional Segurasan Rodaviariu iha Ministeriu Interior (MI), Elder Soares hatete, DNTT hamutuk DTSRN hodi fo sosializasaun konaba utuliza estrada publiku tuir regrasa neebe iha, atu nunee prevene asidente iha sidade Dili.
“Ami ohin mai halo sensibilizasaun konaba prevensaun rodaviariu ba ita nia estudante Cristal sira, atu nunee sira iha konsensia no pasiensia utiliza estrada publiku ho diak para sira bele salva sira nia vida nee,” hatete Diretor Nasional Segurasan Rodaviariu iha Ministeriu Interior (MI), Elder Soares ba jornalista sira iha ambitu sosializasaun konaba Segurasa Rodaviariu iha Eskola Sekundaria Cristal Dili, Sesta (03/07/2026).
Nia dehan, objetivu ida seluk mak fo hanoin oinsa atu redus numeru asidente nee iha sidade Dili, ida nee mak importante, tanba asidente neebe mosu iha sidade Dili nee maioria idade sei proditivu.
“DNTT no DTSRN sira nee iha dever ida para mai fo hanoin, tanba sira nee sei idade produtivu, tanba nee ita mai fo hanoin para sira uza estrada publiku nee ho regras neebe mak iha, tanba joven sira neebe idade sei produtivu nee mak pilar importante ba rai ida nee,” nia esplika.
Nia informa, estudante sira neebe idade minoridade tenke hanoin sira nia futuru no vida , tanba nee nasaun ida nee nia futuru iha sira, no sira mak sei kontribui ba nasaun ida nee.
Iha fatin hanesan, Diretora DNTT, Maria Antonia Vitor da Costa esplika, objetivu husi sensibilizasaun husi parte DNTT no DTSRN hamutuk Ministeriu Interior (MI) mai halo sosializasaun konaba utuliza estrada publiku tuir regras neebe iha atu prevene asidente. Tanba nee, ohin nee mai iha Eskola Sekundaria Cristal hetan oportunidade ba sira atu hatoo objetivu ba sensibilizasaun ida nee oinsa.
Nia deklara, prevensaun rodaviariu nee importante tebe-tebes, tanba dala barak estudante sira nee, liu-liu finalista sira, wainhira sira akaba ona sira nian estudu iha fatin ida nee, sira tula nain tolu nain taat ho motor ida, halai tun sae depois korta kareta tun sae, ho objetivu ida nee mak parte rua nee hamuruk hodi sensibilizasaun oinsa uza dalan publiku ho seguru.
“Hau hanoin planu ida nee laos mai deit iha eskola nasional, maibe ba mos munisipiu sira,” nia koalia.
(jen)
