DILI, STLTIMORLESTE.com – Ministeriu Edukasaun (ME) kestiona eskola balun nian relatóriu tama tarde, hodi difikulta orsamentu merenda eskolar tama tarde.
Lia hirak nee hatoo husi Belchior Maria Almeida Barros, hanesan Xefe Departamentu Programa Merenda Eskolar iha ME, ba STL iha nia knaar fatin, Kuarta nee (22/07/2026).
“Relasiona ho menu ba programa merenda eskolar neebe prepara husi kuzineira nee hanesan parte ida mak ita nian eskola sira mak tenke halo kontrola diretamente, tanba wainhira ema sira prepara ai-haan la tuir kondisaun menu tenke fo hatene ba eskola ga autroridade sira iha munisipiu. Hau hanoin los, tanba ita nian eskola balun nia relatoriu tama tarde nee difikulta orsamentu tama tarde,” nia dehan.
Nia dehan, konaba programa nee, husi parte ME nafatin iha lina koordenasaun servisu nian neebe mak diak ho Ministériu Saude no MAE para hodi haree implementasaun programa merenda eskolar neebe mak lao iha eskola pre eskolar no ensinu baziku sira, oinsa fornesedor sira bele prepara ai-haan neebe diak ba estudantes sira.
“Konaba programa nee, parte ME nafatin iha lina koordenasaun servisu nian neebe mak diak ho Ministériu Saude no MAE para hodi haree implementasaun programa merenda eskolar neebe mak lao iha eskola pre eskolar no ensinu baziku sira, oinsa fornesedor sira bele prepara ai-haan neebe diak ba estudantes sira,” dehan nia.
Tuir nia, fornesedor husi eskola ida-idak mak prepara hahan ba estudantes sira, nunee mos uza produtu neebe mak sira sosa, sira tein tuir menu neebe mak iha ona, nunee ME nafatin halo kontrola ba programa merenda eskolar iha eskola sira, oinsa mak estudantes sira bele asesu programa nee ho diak.
Iha fatin seluk, Gabinete Apoiu Tekniku (GAT), EBC Manleuana, Narcisio P.S.V. da Costa hatete, programa merenda eskolar nee para iha loron 20, nee duni agora daudaun estudantes sira la asesu ona merenda eskolar, tanba programa refere sei halao fali iha loron 3 fulan Agostu nia laran.
“Hau hanoin ami nian programa merenda eskolar nee para iha loron 20, nee duni agora daudaun estudantes sira la asesu ona merenda eskolar, tanba programa refere sei halao fali iha loron 3 fulan Agostu nian laran, tanba agora daudaun nee ami nian estudantes sira la asesu ona ba iha programa nee,” nia haktuir.
(jac)
