DILI, STLTIMORLESTE.com – Relasiona ho rai Aimutin neebe okupa husi komunidade balu, oras nee daudaun hetan despeju administrativu, bazeia ba desizaun Tribunal no pedidu neebe iha, rai nee balu pertense ba Estadu nian.
Tuir Ministru Justisa, Sergio Hornai katak, rai ida nee sira halo ona eviksaun iha neeba por volta de dois mil quinentos ital neebe mak.sei hanesan disputa, agora daudaun sira halo konsiliasaun ba buat balu iha neeba.
“Iha dois mil quinentos tuir Tribunal nian desizaun, tuir pedidu sira neebe tama sai hanesan disputa ba iha okupante sira ho ema sira neebe halo ona kompra e venda no Governu tau nia pozisaun katak, rai ida nee pertense ba iha parsialmente entre balu pertense ba rai Estadu nian,” dehan Ministru Justisa, Sergio Hornai, hafoin partesipa aniversariu PCIC iha Bebora, Kinta (14/05/2026).
Iha fatin ketak, Komunidade Suku Komoro, Sebastião dos Santos dehan, Estadu kuandu hasai komunidade sira tenke hasai ho dignu.
“Komunidade sira neebe hela iha fatin neeba mesak ema Timor oan, tanba nee hanoin hasai sira karik hasai ho dignu, atu labele hamosu duvidas iha sira,” dehan nia.
Hatutan tan, bele hasai komunidade sira maibe liu husi dalan dialogu ruma, hodi nunee sira bele sai ho diak, atu labele hamosu polemika. Tanba hanesan Timor oan tenke tau konsiderasaun ba sira.
(ter)
