DILI, STLTIMORLESTE.com – Odamata milagre sempre loke ba ema neebe fiar no kontinua husu ba Maromak, maske iha moris hasoru problema oin oin.
Lia hirak nee hatoo husi Padre Paul Kerans, SVD ba STL, Kinta (28/05/2026) hatete, lisaun iha ema nia istoria idanee maka dalaruma moris haruka ema atu rende. Problema sira sai makaas liu, orasaun sira parese la hetan resposta, no esperansa hahu lakon. Maibe fiar hanorin ema atu kontinua husu ba Maromak maske ema nia sirkunstansia moris nian nakukun. Dala barak perseveransa loke odamatan ba milagre sira.
Padre dehan, iha evanjelhu Marcos 104652 Evanjellu ohin haktuir istoria konaba Bartimeu, esmolador matandelek ida iha dalan ninin neebe hetan kura husi Jesus. Bartimeus laiha pozisaun, influensia, ka vizaun fíziku, maibe nia iha buat ruma neebe ema barak iha nia sorin laiha aten barani atu fiar katak nia moris bele muda nafatin.
Bainhira ema seluk koko atu nonok nia, nia lakohi para atu husu ajuda. Nia hatene katak momentu ida nee bele sai pontu mudansa ida iha nia moris.
Bibi atan Kreda Katolika dehan ohin loron ema barak mak hanesan ema matan delek nee. ema matan delek tanba tauk, fallansu, deziluzaun, kulpa, ka inserteza konaba futuru. Karik ema mos bele sente ema neglijensia, la importante, ka lasu iha situasaun neebe haree hanesan imposivel atu ultrapasa. Maibe Evanjellu ida nee fo hanoin ema katak laiha bolu ba fiar neebe Maromak la rona. Ema bele julga, kritika, ka dezanima ema, maibe Maromak rona lian sinseru husi ema nia fuan.
“lisaun iha istoria ida nee maka dalaruma moris haruka ita atu rende. Problema sira sai makaas liu, orasaun sira parese la hetan resposta, no esperansa hahu lakon. Maibe fiar hanorin ita atu kontinua husu ba Maromak maske itania sirkunstansia moris nian nakukun. Dala barak perseveransa loke odamatan ba milagre sira,” katak Padre.
Pe hatutan tan katak, lisaun seluk maka bainhira Jesus lao iha Ninia misaun, Nia para ba sira neebe mundu la haree. Ema sira liu husi ema matan delek nee loron loron, maibe Jesus para hodi haree nia. Ida nee hatudu Maromak nia laran neebe laran sadia. Nia haree ema neebe haluha tiha ona, ema neebe mesak, ema neebe kiak, ema neebe hetan kanek, no ema neebe dezesperadu. La iha ema ida neebe Maromak la haree. Enkuantu ema barak haree ema ida ho kiik no konsidera nia nuudar ema neebe fraku ka la importante, Maromak nafatin bolu nia no fo dignidade ba nia.
“Ema matandelek idanee nia kura fo hanoin mai ita katak haree loloos laos deit haree fíziku. Ema barak bele haree ho matan maibe matandelek nafatin iha sirania fuan. Haree loos signifika rekonese Maromak nia prezensa, fiar iha Ninia larandiak, no tuir Nia. Hafoin hetan nia matan, mane nee laos deit fila fali ba nia moris uluk nian maibe mos hili atu tuir Jesus. Enkontru loloos ho Maromak muda laos deit itania sirkunstansia sira maibe mos itania moris nia diresaun,” katak Pe.
Ohin loron, karik ema la tuur ona iha estrada ninin neebe nakonu ho rai rahun hodi husu tulun, maibe ema hotu lori matan delek iha ema nia laran. Ema iha difikuldade atu haree esperansa, objetivu, perdaun, ka dame. Maibe iha liafuan diak katak Jesus nafatin liu husi ema nia moris loro loron. Nia nafatin rona no kontinua bolu ema. No Nia restaura nafatin ema neebe mai hasoru Nia ho fiar. “Ita nia bolu fiar nian, bele sai inísiu ba ita nia milagre,” hakotu.
(eme)
