DILI, STLTIMORLESTE.com – Esperansa Bankada Governu iha Parlamentu Nasional (PN) ba Orsamentu Jeral Estadu (OJE) 2025, hein katak sei hadia moris povu, implementa la loos sei fo hanoin.
Deputadu husi Bankada PD, Armando Lopes hatete, OJE 2025 Prezidente Republika (PR) promulga ona ho montante Bilhaun US$ 2.617, neebe aprova iha Parlamentu Nsional (PN) no enkamina ba PR, PR mos promulga ona, tanba osan née atu hodi haree povu no orsamentu raan ba estadu.
“Ita espera katak osan povu nian sei fila duni ba povu liu husi dezenvolvimentu sira neebe governu implementa kada tinan”, katak Deputadu husi Bánkada PD, Armando Lopes ba STL iha PN, Tersa ( 03/12/2024).
Deputadu nee hatete, automatikamente OJE 2025 laos 100% atu halao dezenvolvimentu hotu kedas, maibe halao faze por faze, tanba née sira espera ho orsamentu neebe aloka por programa, neebe hein katak 2025 governu implementa osan nee tuir programa neebe iha, no bele rezolve problema neebé mak povu hein hela .
Nunee mos Xefe Bankada CNRT, Duarte Nunes katak, OJE 2025 Promulga ona, née kona-ba jestaun governu mak hatene, tanba orsamentu neebe mai por programa. Tanba osan nee PR promulga ona, sira apoia tomak ba orsamentu nee, no hein katak Governu sei lori orsamentu nee hadia povu no nasaun ida née .
Ho orsamentu neebe iha por programa, neebe hatete klaru ona, neebe bankada governu iha apoia, maibe husu para oinsa atu hadia duni povu no nasaun. Nudar lejizlador sira kontinua fiskaliza no observa iha terrenu.
Nunee husu ba membru governu sira atu ezekusaun OJE 2025 ho diak no ba duni dezenvolvimentu povu no nasaun.
(gui)
