DILI, STLTIMORLESTE.com – Koordenador Eskola Baziku Filial (EBF) Fatumeta, Jose Manuel Pires hatete, anu letivu foun 2025 nian, too agora osan konsesoins eskolar seidauk tama iha konta bankaria eskola nian.
“Hau hanoin osan konsesoins eskolar tinan ida nee seidauk tama iha konta bankaria eskola nian, maibe konsesoins eskolar tinan 2024 nian ami halao hotu ona tuir programa neebe mak ami iha, maibe sira seidauk mai verifika, maibe ami sosa tuir ami nian eskola ninia presiza, nee duni ami halo tuir buat neebe mak ezijensia eskola nian, ida nee mak ami halao,” dehan Jose ba STL iha nia knaar fatin, Sesta nee (31/01/2025).
Nia dehan, maibe sira sei mai verifika, bainhira verifika los ona, sira sei hatama planu no buat sira nee hotu depois mak foin osan konsesoins bele mai, maibe kuandu bainhira planu seidauk loos nee sira seidauk bele haruka mai.
“Nee duni osan tinan ida nee seidauk tama, maibe ida nee kompetensia Ministeriu Edukasaun, ami hein deit bainhira mak osan ida nee tama, para ami ezekuta tuir ami nian nesesidade eskola nian presiza no planu neebe mak iha,” nia esplika.
(jac)