DILI, STLTIMORLESTE.com – Prezidente Parlamentu Nasional (PPN), Maria Fernanda Lay hatete, pensaun vitalisia ba deputadu neebe sei halao hela servisu seidauk simu, se eis deputadu sira laiha sustentabilidade, futuru ema lakohi sai deputadu inklui PPN.
Prezidente Parlamentu Nasional, Maria Fernanda Lay hatoo lia hirak nee ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolao Lobato, Bairo Pite, Sesta (17/01/2025).
“Pensaun vitalisia ba ami neebe sei servisu seidauk simu, neebe deputadu oituan mak simu. Kazu ida nee hau ba too nasaun Laos, hau mos husu iha neeba karreta sai dilema, ita boot sira hatete labele, maibe se deputadu laiha kapasidade sosa karreta nia lao ain, ita labele kompara aan ho Laos. Situasaun kuaze hanesan ho ita, hau konfirma iha neeba estadu fo karreta ba deputadu sira sae,” katak nia.
Lay hatete, liga ho sosa karreta ba deputadu sira, PPN mos konfirma ho nasaun Laos kuaze situasaun hanesan, Governu sosa karreta ba deputadu no deputada sira hodi halo fiskalizasaun.
(eme)
