DILI, STLTIMORLESTE.com – Primeiru Ministru (PM), Kay Rala Xanana Gusmão konsidera Padre João Felgueiras nuudar Defensor Direitu ba povu Timor Leste (TL).
“Nia mak defensor boot ida ba direitus povu maubere, edukador ba juventude no Timoroan ida ho fuan tomak,” hatete PM Xanana liu husi nota komunikade imprensa neebe STL asesu husi media GPM, Sabadu (04/07/2026).
Xanana afirma, matebian Padre João Felgueiras durante tinan barak fo nia moris tomak ba TL, no sai ezemplu, tanba fo ninia domin no dedikasaun ba povu TL.
“Ba hau, Ami-Nain Reverendu nee mak eroi ida neebe fo aan tomak, no martir ida ba povu ida nee, neebe ami la haluha. Hakmatek iha dame, iha Kristu ita nia Nai Maromak nia bensaun,” tenik PM Xanana.
Entretantu Padre João Felgueiras hakotu ninia jornada moris iha loron Sesta (03/07/2027) hafoin halao tratamentu intensivu ba nia moras iha Klinika balun iha kapital Dili.
(alb)
