DILI, STLTIMORLESTE.com – Membru Parlamentu Nasional (PN) hatoo kongratulasaun ba defisiensia Timoroan no husu sira atu kontribui ba dezenvolvimentu nasaun nian.
Deputadu Bankada Partidu CNRT, Natalino dos Santos rekomenda relasiona ho defisiensia Timoroan sira neebe sei selebra loron Internasional ba defisiensia, iha loron Tersa (03/12/2024) .
“Sim loron nee importante tebes, tanba nee hakarak kongratgula ba ita nia maluk defisiensia sira no sira neebe aban komemora loron internasional nee, ita enkoraja sira nafatin atu bele kontribui ba dezenvolvimentu,” hatete Deputadu Natalino ba jornalista sira, iha PN, Segunda (02/12/2024).
Nia hatutan, governu liu husi Ministeriu Solidariedade Sosial tenki tau atensaun ba difisiensia Timoroan sira iha direitu neebe hanesan ho Timoroan sira seluk.
“Sira nia direitu hanesan ho ita sira laos difisiensia, ita iha diireitu no dever neebe mak hanesan, tanba nee husu Ministeriu Solidariedade Sosial neebe ninia servisu atu haree no fasilita sira nia lian, no iha Prezidensia Republika iha porta voz neebe mak atu aspira sira nia hakarak ba estadu, no hanesan mos ami Deputadu sira reprezenta mos sira sempre koalia sira nia direitu, tanba sira hotu-hotu Timoroan iha direitu neebe mak hanesan,” hatete Deputadu nee.
(alb)
