DILI, STLTIMORLESTE.com – Polisia Nasional Timor Leste (PNTL) aprezenta Autor nain 61 neebe involve jogu online ilegal no scam call center ba Ministeriu Publiku (MP).
Nia dehan, PNTL liu husi Diresaun Nasional Servisu Investigasaun Kriminal (DNSIK) neebe halo atusaun iha Tibar hodi desmantela servisu krime organizadu internasional neebe bolu jogu online ilegal no scam call center.
“Depois ita halo investigasaun lubuk ida ami aprezenta ona autos ba Ministeriu Publiku halo ona Primeiru Interogatoriu iha Tribunal estanjia, hotu-hotu nain 61 nee ohin ami aprezenta hotu iha neeba,” hatete Porta-voz PNTL, Superintendente Xefe Polísia João Belo ba jornalista sira liu husi Konferensia Imprensa iha Komando Jeral, Segunda (29/06/2026).
Nia esplika, informasaun nee hanesan parte edukasaun ida ba komunidade katak iha online Gem ida nee hetan osan husi online no ida seluk Sentru Gem atu organiza mos ajuda verifikasi informasaun neebe sira lansa.
“Scam call center nee sentru ida neebe kriminozu sira halo hodi buka informasaun no propaganda sira hodi habosok ema, tanba nee iha neeba ita detekta katak sidadaun lubuk ida nia funsaun oinsa mak ema bele fiar hodi lansa informasaun sira, tenta atu bosok ema,” nia deklara.
Nia informa, sira nia jogu nee halao dala ida no prosesu investigasaun sei determina ou halo buat ida seluk taka ida seluk, tanba nee prosesu investigasaun sei lao hela no espera katak “ami bele hetan delegasaun husi Ministeriu Publiku atu kontinua buka tuir no investiga kazu sira tuir mai,” katak nia.
Nia hatutan, autor sira nee husi Autoridade Kambodia, no agora desmantela iha sira nia nasaun depois agora halai mai Timor Leste no halao fali operasaun pais ida nee.
“Ita mos haree hotu sira nia viajen, maibe maioria bele hatete 90% autor sira neebe ita detein agora nee eis pemain husi Kambodia,” nia koalia.
Nia argumenta, evidensia sira neebe PNTL aprezenta ba Ministeriu Publiku mak komputador, telefone, router starling no kadeira meza sira neebe sira uza halo servisu ami aprezenta hotu.
Nia informa, Hotel neebe autór sira halo servisu ba, polisia dada hotu police line iha neeba atu nunee ema seluk labele asesu tan ba iha neeba durante prosesu nee lao.
Entretantu informasaun neebe STL rekolha iha terenu katak, kazu jogu online ilegal no scam call center nee akontese iha loron Sesta foin lalais nee, no PNTL liu husi DSIK halo operasaun ho sobu jogu online ilegal iha Tibar Munisípiu Likisa, ohin submete ona ba faze judisiál, iha Tribunal Judisiál Primeira Instánsia Díli. Kazu nee rasik rejista ho NUC 0227/26/PNSIK no investigasaun refere ba alegasaun krime brankeamentu kapitál no asosiasaun kriminál tuir dispozisaun sira iha Kódigu Penál.
(jen)
