DILI, STLTIMORLESTE.com – Orientasaun husi Komando Jeral Polísia Nasional Timor Leste (PNTL) halao serimonia kona-ba entrega Servisu husi Komandante Eskuadra Dom Alexo sesante, Inspetor Polisa, Alexandrino da Costa “Alex Samurai” ba Komandante Interinu Eskuadra Dom Alexo, Inspetor Asistente Domingos Pinto hodi halao servisu ba povu no nasaun ida nee ba oin.
Komandante PNTL Munisípiu Díli, Superintendente Xefe Polisia, Orlando Gomes dehan, bazeia ba orientasaun orden Komando Jeral PNTL, neebe halo transfensia ba Unidade Espesial Polísia (UEP) maibe nafatin hodi atede povu no nasaun ida nee.
“Ohin ita realiza serimonia entrega servisu husi Komandante Eskuadra sesante ba Komandate Eskuadra Interinu,” hatete Komandante PNTL Munisípiu Dili, Superintendente Xefe Polisia, Orlando Gomes ba jornalista sira iha Eskuadra Dom Aleixo Aimutin, Dili, Tersa (03/12/2024).
Nia esplika, transferensia no mudansa iha Instutisaun PNTL nee normal, tanba hotu-hotu tenke kumpri orden Komando.
“Ita hotu-hotu tenke kumpri orden Komando, kuandu orden husi Komando halo konferensia ita prontu para ezekuta, tanba nee hau dehan ida nee situasan normal no baibain neebe mak lao iha Instituisaun PNTL nia,” nia informa.
Iha fatin hanesan, Komandante Eskuadra Dom Aleixo Sesante, Inspetor Polisia, Alexandrino da Costa “Alex Samurai” deklara, kona-ba transferensia iha Instituisaun PNTL nia laran nee normal, no halao fali servisu iha Unidade Espesial Polísia (UEP) nafatin servi povu no nasaun ida nee.
“Komando Jeral PNTL halo transfensia ba fali UEP nee normal, tanba laiha buat ida permanente iha Instituisaun ida, klaru nee iha mudansa, maibe nafatin servisu ba povu no nasaun ida nee,” nia koalia.
Nunee mos Komandante Interinu Eskuadra Dom Alexo, Inspetor Asistente Domingos Pinto informa, servisu lubuk ida mak Komandate sesante sempre orenta sira, ida nee sira sei banati tuir hodi kontinua servisu no sai servedor ida neebe diak liu ba povu no nasaun ida nee.
(jen)
