PNTL Kontinua Halo Patrulhamentu Iha Sidade Dili

Komandante PNTL Munisípiu Dili, Superintendente Xefe Polisia, Orlando Gomes. (Foto: STL/Jeniche da Costa)

DILI, STLTIMORLESTE.com – Polisia Nasional Timor Leste (PNTL) liu husi Komando PNTL Munisipiu Dili, kontinua halo patrulhamentu hodi prevene krimi neebe akontese iha sidade Dili.

“Loron no kalan ita nafatin halo vizilansia makaas, liu-liu halo patrulhamentu lao ain, atu nunee ita bele prevene krimi sira neebe akontes iha kapital Dili,” hatete Komandante PNTL Munisípiu Dili, Superintendente Xefe Polisia, Orlando Gomes ba jornalista sira iha Komando Munisipiu, Dili, Kinta (16/1/2025).

Tanba tuir nia, durante nee Komando alerta nafatin ba iha membru PNTL atu kontinua halo patrulhamentu masimu iha kapil Dili, liu-liu kalan.

“Kualker atividade saida deit neebe ita nia Komunidade halo hanesan festa, ita akompanha nafatin atu hodi evita krimi mosu iha Ita nia Munisípiu Dili,” nia esplika.

Nia hatutan, Komado orienta ona ba membru PNTL sira iha terenu katak, kualker aktu krimi sira mosu.

Iha fatin ketak, Veteranu Costantino Ximenes “Nehek Metan” esplika, nuudar joven jerasaun ba nasaun RDTL ida nee labele lakon tempu ba oho malu, baku malu, hana malu, maibe uza tempu nee ho didiak hodi aprende buat neebe halo mudansa ba moris.

“Funu ho inimigu hotu ona, agora joven sira nia tempu mak eskola no aprende atu lori Nasaun nee ba oin nafatin, labele loron kalan mak hanoin oho malu, hana malu, baku malu, ida nee valor laiha,” nia esplika.

(jen)

Share it :

Leave a Reply

Your email address will not be published. Required fields are marked *