DILI, STLTIMORLESTE.com – Komando Polisia Nasional Timor Leste (PNTL) Munisipiu Dili orienta nafatin ba Departamentu Tránzitu Seguransa Rodoviária Nasional (DTSRN), hodi halao cek poin iha Sidade Dili para haree trasporte sira neebe mak dokumentu iha no laiha.
“Komando Munisipiu Dili orienta nafatin ba Tranzitu Dili laran atu kontinua halao nia knaar ho misaun hodi halao cek poin iha sidade Dili,” hatete Komandante PNTL Munisípiu Dili, Superintendente Xefe Polisia, Orlando Gomes ba jornalista sira iha Komando PNTL Munisipiu, Dili, Kurta (22/01/2025).
Nia dehan, Departamentu Tránzitu Seguransa Rodoviária Nasional (DTSRN) halao nafatin cek poin ba karreta ho motor neebe halai iha kapital Dili, tanba sidadaun barak mak lakohi Kumpre regras neebe mak iha.
Iha fatin hanesan, nain ba motor, Joao Peritus do Carmo informa, Polisia Tranzitu prende nia motor durante fulan tolu ona, tanba dokumetus Indonezia, maibe kontinua trata dokumentu Timor nian para foti fila fali motor.
Nunes mos Motorista Félixa Silva informa, Polisia Tranzitu prende nia motor iha Bundaran Elemloi nian, tanba la uza helem ka kapasete.
(jen)