DILI, STLTIMORLESTE.com – Polisia Nasional Timor Leste (PNTL) liu husi Direspon Servisu Investigasaun kriminal (DSIK) Rejistu ona kazu konaba sidadaun Indonesia nain tolu (3) neebe envolve tentativa atu sai husi teritoriu nasional ho Jet privadu Casna C700 aprezenta ona ba Minsateriu Publiku (MP).
Portavoz Komando PNTL, Superintendente Xefe Joao Belo dos Reis hatete, PNTL rejistu ona sidadaun Indonezia nain tolu neebe involve tentativa atu sai husi Timor Leste ho Jet Privadu nee aprezenta ona ba iha MP.
“Investigasaun kriminal halao intervesaun ba pintu ida deit konaba dokumentus neebe mak maluk sira akompanha Jet Privadu neebe ita mensiona, ita nia nai ulun balun nia naran iha nee ba, relawan ba nee kalan nee kedas ami halo intervesaun, depois ami komunika kedas aviaun nain jerente operasional dader nee kedas sira mai, kompletu liu tan neebe jerente operasional nain rya mai tan, iha sesta kotuk fo ona nia deklarasaun ho voluntariamente husi sira nia rai mai ita nia rai hodi fo klarifikasaun ba karta neebe mak sira halo,” hatete Portavoz Komando PNTL, Superintendente Xefe Joao Belo doa Reis ba jornalista sira liu husi Konfirmasia Imprensa iha salaun KomJer, Segunda (06/07/2025).
Nia esplika, Empreza Jet Trans mos halo ona karta klarifikasaun, depois mos husu ona deskulpa ba failansu neebe sira halo, kazu nee DSIK rejistu ona iha Ministeriu Publiku ho numeru NUC 0233/26/PNSIK.
Nia deklara, konaba sidadaun Indonezia nain tolu nee parte DSIK halo kontak kedas ba Embaixada Indonezia iha TL, hodi hatudu sira nain tolu nia profile ho sira nia funsaun lo-loos iha Indonezia hanesan Emprezariu konaba aktividaxe Otel no Batu Bara nian.
Superintendente Xefe informa, DSIK halo ona intervesaun ba asaun aviaun Jet Privadu nee konaba karta neebe haruka mai TL, neebe Polisia seidauk bele fo sai konaba konteudu karta nee, tanba nia prosesu Investigasaun sei lao.
Entretantu informasaun neebe STL rekolha, kazu nee hahu ona bainhira aviaun Jet privadu tipu Cessna Citation 700 Longitude, neebe mai husi Jakarta tun iha Aeroportu Internasional Prezidente Nicolau Lobato.
Enkuantu dokomentus pedidu autorizasaun ba voo refere nee pasajeirus sira sei halo enkontru ho PR, maibe depois autorodade sira halo verifikasaun katak, Prezidente Republika, Jose Ramos Horta hatete katak, nia la konvida no la hatene sidadaun sira nee, no afirma katak ema balun mak uza PR nia naran ilegalmente atu hetan autoridade ba voo nee.
Iha mumentu neeba sidadaun nain tolu nee iha investigasaun nia laran, maibe ikus mai konsege sai husi Timor Leste ho voo komersial Aero Dili, no aviaun Jet privadu nee kontinua iha TL atu halo prosesu investigasaun, tanba nee kazu daudaun nee rejistu ona iha MP.
(jen)
