DILI, STLTIMORLESTE.com – Ponte Kasnafar neebe Governu aprova ona ho naran Kofy Annan, maske seidauk atinji 100%, maibe bele utiliza ona, tanba nee diak, maibe presiza hadia mos estrada iha ponte nia leten ba.
Lia hirak nee hatoo husi Deputadu Bankada KHUNTO, Antonio Verdial ba STL iha Parlamentu Nasional, Segunda (20/01/2025).
Nia dehan, Ponte Kasnafar ka Ponte Kofy Annan daudaun nee utiliza ona, maske konstrusaun seidauk atinji 100%, maibe utiliza daudaun ona. No Visi MOP mos deklara ona katak, atu halo preparasaun hodi halao inaugurasaun.
“Maibe haree ba dalan iha Ponte Kasnafar ka Kofy Annan nian sae ba presiza tebes atensaun, tanba estruturasaun ba rai nee ita haree degraduasaun rai nee makaas tebes,” hatete Deputadu Antonio.
Deputadu nee hatutan, iha fulan kotuk nia halo vizita eleitoral ba iha area neeba, populasaun sira neebe hela iha estrada nee sira ezije atu governu tau matan ba estrada née, hodi populasaun sira lori sira nia produtu lokal faan iha merkadu.
(gui)