PPN: Komisaun Ba Veteranus Bele Halo Fiskalizasaun Ba Lista

Prezidente Parlamentu Nasional, Maria Fernanda Lay. (Foto: Media PR)

DILI, STLTIMORLESTE.com – Prezidente Parlamentu Nasional (PPN), Maria Fernanda Lay hatete, komisaun neebe tau matan ba veteranus presiza halo fiskalizasaun ba lista veteranus neebe taka sai ona husi Ministeriu Asuntu Kombatente Libertasaun Nasional (MAKLN).

Prezidente Parlamentu Nasional, Maria Fernanda Lay hatoo kestaun nee ba jornalista sira, bainhira remata halo enkontru ho Prezidente Republika, Jose Ramos Horta iha Palasiu Prezidensial Nicolao Lobato, Bairo Pite, Sesta (17/01/2025).

Tuir nia, lista nee hahu iha 2009 no ida nee komisaun neebe tau matan ba veteranus sira mak bele halo fiskalizasun.

“Lista nee hau hanoin dezde 2009 adia tiha, klaru katak iha implementasaun laos deit iha veteranus, maibe hau fiar katak komisaun neebe tau matan ba veteranus sira bele halo papel fiskalizasaun, atu pronunsia hau la komprende, klaru katak sira neebe sai sasin nee dilema ida mosu dezde uluk, espera katak ho Ministeriu neebe iha bele tau matan diak liu ba ida nee no ita tenke fiar, klaru ke iha pagamentu iha buat ruma bele hadia,” katak PPN.

Aleinde nee, Primeiru Ministru, Kay Rala Xanana Gusmão hatete, joven neebe mak moris iha 1990 no balu moris iha tinan 1999 naran sai hotu nuudar veteranus, ida nee nia la hatene, tanba nia laos veteranus, no ema neebe mak deside naran no publika nee MAKLN, laos Primeiru Ministru.

(eme)

Share it :

Leave a Reply

Your email address will not be published. Required fields are marked *