DILI, STLTIMORLESTE.com – Prezidente Parlamentu Nasional (PPN), Maria Fernanda Lay preokupa ho seguransa deputadu sira, tanba nee sei sosa kareta ba sira uza halo servisu maibe nee acet estadu nia.
Prezidente Parlamentu Nasional, Maria Fernanda Lay hatoo kestaun nee ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Kuarta (11/06/2025).
Oras nee daudaun kareta neebe deputadu no deputada sira uza nia kondisaun ladun diak, karik Prezidente Parlamentu Nasional iha hanoin sosa fali kareta foun ba sira ka lae? Hatan ba kestaun nee Prezidente Parlamentu Nasional Maria Fernanda Lay hatete, nia halo akizasaun mais nee acet estadu nia.
Prezidente Parlamentu Nasional hatete kareta neebe mak reprezentante povu iha Parlamentu Nasional uza balun kondisaun la diak ona, se bainnhira Prezidente Parlamentu Nasional la sosa foun mak monu balun mate se.mak responsabliza, tanba nee halo ona akizasaun hodi sosa kareta maibe nee acet estadu nia.
“Ami halo akizasaun mais nee acet estadu nia, Governu mos hola kareta neebe kareta kondisaun aat hau la fo kareta mak nia monu mate karik se nia sala, neebe hau preokupa seguransa deputadu, maibe kuidadu acet estadu nia também dever ita hotu nia neebe estadu labele bolak balik husu kareta,” dehan PPN.
Nunee mos Parlamentu Nasional nia servisu mak halo fiskalizasaun, halo lei, maibe durante nee Parlamentu Nasional halo servisu efetivu ka lae? Hatan ba kestaun nee Prezidente Parlamentu Nasional dehan, atu efetivu ka lae haree husi relatoriu mak bele hatene.
“Hau hatete lao efetivu, ami aprova lejislasaun, fiskalizasaun lao agora efetivu ka lae husu sira nia relatoriu ita boot sira bele haree,” hakotu.
(eme)
