PR Horta Diskursu Abertura Majelis Fraternidade Umanu

Prezidente Republika, Jose Ramos Horta too iha Abu Dhabi, simu husi Enviadu Ministru Negosiu Estranjeiru Emiradu Arabe Unidu nian ba Estadu Karibe no Pasífiku, Omar Shehadeh. (Foto: Media PR)

DILI, STLTIMORLESTE.com – Prezidente Republika (PR), Jose Ramos Horta too ona Abu Dhabi, hodi hatoo diskursu abertura Majelis Fraternidade Umanu.

Prezidente Republika, Jose Ramos Horta too iha Abu Dhabi, iha neebe simu husi Enviadu Ministru Negosiu Estranjeiru Emiradu Arabe Unidu nian ba Estadu Karibe no Pasífiku, Omar Shehadeh. Laureadu Nobel ba Pás nia vizita marka nia partisipasaun iha Premiu prestijiadu Zayed 2025 ba Simeira Fraternidade Umanu, plataforma global signifikativu ida neebe dedika ba avansu dame no komprensaun interkultural.

Premiu Zayed ba Fraternidade Umanu, rekonesimentu internasional anual ida neebe importante, selebra indivídu no organizasaun sira neebe hatudu kompromisiu esesional hodi haburas unidade no harii ponte entre komunidade sira. Premiu nee rekonese sira neebe maka serbisu makaas atu promove ligasaun no komprensaun umanu, dala barak hasoru dezafiu signifikativu sira.

Nuudar rekonhesimentu ba ninia dedikasaun moris tomak ba pas no direitus umanus, Prezidente Ramos Horta hetan onra ho konvite ida atu hatoo diskursu abertura iha Majelis Fraternidade Umanu. Ninia diskursu iha enkontru distintu ida-nee sublina importansia husi dialogu no kooperasaun internasional hodi harii komunidade global ida neebe armoniozu liu.

Iha loron 4 fulan Fevereiru, PR tuir serimonia anual ba dala neen Premiu Zayed ba Fraternidade Umana iha Memorial Fundador nian, fatin neebe Sua Santidade Papa Francisco no Sua Eminensia Ahmed Al Tayeb, Grande Imam Al Azhar nian, asina Dokumentu istoriku kona-ba Fraternidade Umana iha tinan 2019.

Notavelmente, Timor Leste sai hanesan nasaun dahuluk neebe adopta dokumentu kona-ba Fraternidade Umana ba pas mundial no moris hamutuk nuudar parte husi nia valor nasional, ho parlamentu aprova ho unanimidade iha loron 13 fulan Maiu tinan 2022.

Tinan ida nee nia onradu distintu sira maka Honoravel Mia Amor Mottley, Primeira Ministra Barbados nian no kampeaun ba mudansa klimatika, Dapur Sentral Mundial, organizasaun umanitaria neebe harii husi Chef José Andrés, Heman Bekele, inovador saude ho tinan 15 no onrada foinsae dahuluk ba Premiu nee.

Prezidente Ramos Horta sei partisipa iha jantar gala Tapesaria Umanidade iha Palasiu Emiradus, hasoru malu ho dignitariu nivel-aas sira iha selebrasaun patrimoniu kultural no hospitalidade Emiradus Árabes Unidus nian.

Prezidente dehan, iha mundu ida neebe hasoru dezafiu oin-oin, Premiu Zayed ba Simeira Fraternidade Umana nian sai hanesan farol ba esperansa no unidade nian, hatete husi Prezidente Ramos Horta.

Timor Leste sente onradu atu partisipa iha enkontru signifikativu ida-nee neebe inkorpora valor sira neebe ita kaer metin – pas, dialogu, no komprensaun mutua. Legadu hosi Sheikh Zayed bin Sultan Al Nahyan fo hanoin katak liu husi fraternidade umana no kooperasaun, bele harii ponte sira entre kultura sira no kria mundu ida neebe armoniozu liu ba jerasaun sira iha futuru.

Vizita ida nee sublina kompromisu Timor Leste nian hodi promove pas internasional, solidariedade, no komprensaun mutua entre nasaun no povu sira, enkuantu hametin relasaun bilateral ho Emiradus Arabes Unidus.

(eme)

Share it :

Leave a Reply

Your email address will not be published. Required fields are marked *