DILI, STLTIMORLESTE.com – Prezidente Republika (PR), Jose Ramos Horta hatoo ondra no omenajen ba moris no legadu husi ativista internasional saudozu John Miller iha Farol.
Prezidente Republika, Jos Ramos Horta iha kuarta kalan (06/05/2025) partisipa iha eventu reflesaun espesial neebe halao iha Asosiasaun HAK (Asosiasaun ba Direitu, Direitus Umanus no Justisa) iha Farol, Dili, hodi fo onra ba moris no legadu husi ativista internasional saudozu John Miller neebe hakotu iis iha loron 23 fulan-abríl 2026, iha sidade New York, ho idade tinan 70 tanba atakasaun-fuan (heart failure).
Prezidente Republika Horta liu husi Vidio Komferensia hanoin fali amizade neebe naruk besik dekada lima, hodi nota katak Miller mak husi apoiante dedikadu sira neebe hamriik hamutuk ho povu Timor dezde tinan 1974.
Prezidente enfatiza katak Miller nia kompromisu neebe metin tebes nee ajuda harii fundasaun ba rede global neebe ikusmai luta ba Timor-Leste nia direitu ba auto-determinasaun.
Iha intervensaun Prezidente hatoo agradesimentu klean ba koalizasaun oioin husi aliadu internasional sira, husi nasaun Afrikanu lian Portuges (PALOP) too lider bipartidariu sira iha Estadus Unidus no Australia neebe apoia nasaun nia luta.
“Movimentu solidaridade nee neebe kompostu husi ema influente sira husi sorin karuk too loos, sindikatu sira, no instituisaun relijiozu sira, apoia tebes duni povu Timoroan, hodi lori ita ba referendu no independensia,” dehan Prezidente Republika Ramos Husi Intervensaun.
Prezidente nota katak movimentu nee ultrapasa ideolojia polítika sira, hodi halibur hamutuk ator global oioin hodi defende kazu Timor-Leste nian.
Hodi hanoin fali pontu mudansa husi Masakre Santa Cruz 1991, Prezidente foti katak oinsa solidaridade internasional sai forte liutan hodi dudu ba referendu no independensia. Hodi fo onra ba saudozu John Miller nia memoria.
Prezidente Ramos-Horta reafirma hikas Prezidensia nia kompromisu hodi hanoin nafatin korajen moral no polítika husi belun estranjeiru hotu.
Prezidente Ramos Horta konklui hodi agradese ba sira neebe halibur hamutuk hodi mantein istoria movimentu solidaridade nee moris nafatin, hodi garante katak kontribuisaun husi aliadu sira hanesan Miller sei kontinua sai parte integral husi istoria nasaun nian.
eventu reflesaun espesial neebe halao iha Asosiasaun HAK (Asosiasaun ba Direitu, Direitus Umanus no Justisa) iha Farol, Dili, hodi fo onra ba moris no legadu husi ativista internasional saudozu John Miller partisipa husi Prezidente Republika Jose Ramos Horta, nomos Eis Primeiru Ministru atual sekretariu Jeral Partidu FRETILIN Mari Alkatiri, nomos sosiedade sivil nomos partisipante seluk tan.
(eme)
