DILI, STLTIMORLESTE.com – Prezidente Republika (PR), Jose Ramos Horta hasoru malu ho Prezidente Parlamentu Nasional (PPN), Fernanda Lay, hodi diskute estabilidade rejional no reforma lejislativa.
Bainhira remata hasoru malu, Prezidente Parlamentu Nasional, Maria Fernanda Lay ba jornalista sira iha Palasiu Prezidensial Nicolau Lobato, Bairo Pite, Segunda (13/07/2026) hatete, ekipa Parlamentu nasional balun sei deskola ba Angola.
“Ami iha delegasaun iha Parlamentu Nasional balun sei desloka ba Angola liga ho situasaun Guine Bisau nia hau tenke husu ba senhor Prezidente keta iha orientasaun ruma liga ho sira nia problema neebe komplikadu,” dehan PPN Fernanda Lay.
Iha hasoru malu nee Prezidente Republika Jose Ramos Horta fo orientasaun katak bainhira too iha neebe labele komentariu barak liu konaba situasaun iha neeba tanba soberania labele tama iha assuntu uma laran.
Lei defamasaun suspende tanba too ona iha Prezidente Parlamentu haree sira nia paraser iha normas balun neebe latuir kontestu iha rai laran tanba nee mak suspende nia debate Jeneralidade iha Parlamentu Nasional iha semana kotuk.
“Hau hatoo ba Prezidente tanba senhor Prezidente mos preokupa ho jornalista sira neebe hau dehan kritika lahanesan ho defamasaun, kritika bele kritika maibe papel hanesan prezidente halo lalos ho lei ita bele kritika,” katak PPN.
Durante audiensia nee, Fernanda Lay husu orientasaun prezidensial konaba delegasaun parlamentar neebe sei desloka ba Angola no CPLP, liuliu relasiona ho situasaun polítika neebe komplikadu iha Guine-Bissau.
Prezidente enfatiza importansia husi respeitu ba soberania nasional no la intervein iha asuntu railaran, enkuantu Fernanda Lay hateten katak, depois de independensia tinan 24, estabilidade demokratika Timor-Leste nian kontinua sai ezemplu diak ida wainhira kompara ho kontestu rejional seluk.
Prezidenta Parlamentu Nasional informa ba Prezidente katak proposta lei nee foti sai tiha ona husi ajenda lejislativa hodi garante katak ida nee tuir norma legal domestika sira no proteje direitus umane fundamental sira.
Líder nain rua nee mos manifesta sira nia preokupasaun ba knaar jornalista sira-nian sira afirma katak maske krítika profesional ba figura publika sira importante tebes ba demokrasia neebe saudavel, ida-nee tenke ekilibradu ho padraun etiku sira hodi prevene difamasaun publika antes evidensia judisial estabelese.
Fernanda Lay klarifika katak mudansa kualker ba Konstituisaun presiza konsensu publiku neebe luan liu husi seminariu sira neebe kontinua no mos vontade husi reprezentante povu nian. Kona-ba kazu Scandic Center, nia reafirma independensia poder judisiariu nian, hodi nota katak libertasaun ba indivíduu sira husi tribunal sai nuudar kestaun evidensia judisial neebe labele iha intervensaun parlamentar. Parlamentu Nasional sei tama ba resesu legal iha loron 15 fulan-jullu 2026.
(eme)
