DILI, STLTIMORLESTE.com – Prezidente Republika (PR), Jose Ramos Horta halo enkontru ho reprezentante WHO iha Timor Leste, Arvind Mathur, hodi diskute konaba Sesaun Komité Rejionál ba Sudeste Aziátiku (RC79) neebe sei halibur 10 nasaun.
Bainhira remata hasoru malu, Reprezentante WHO iha Timor Leste, Arvind Mathur ba jornalista sira iha Palasiu Prezidensial Nicolau Lobato, Bairo Pite, Segunda nee (31/08/2026) hatete, sente kontente halo enkontru ho Prezidente Republika hodi koalia konaba Sesaun Komité Rejionál ba Sudeste Aziátiku (RC79 ne’ebe sei realiza iha 7-10 Setembru iha Timor Leste.
“Hau orgullu tebes bele halo enkontru ho senhor Prezidente konaba meeting ne’ebe sei halao iha fulan setembru nia laran husi 7- 10 ida ne’e rejiona meeting ne’ebe iha rejiaun asiatiko iha reziaun ASEAN nia hodi konvida Ministeriu saude sira husi nasaun 10 hodi bele partisipa no Timor Leste rasik sai nuudar uma nain hodi halo serimonia ida ne’e,” katak nia.
Nia hatete, enkontru ne’e rasik sei partisipa husi reprezentante WHO nia ne’ebe sei marka mos prezensa iha meeting ne’e nomos ho IC husi SEARO hodi reprezenta enkontru ne’e.
Meeting ne’e sei halao iha Dili no inaugurasaun ne’e rasik sei halao iha CCD nomos sei iha tan atividade ida tan ne’e meeting entre ministerial sira liu liu Ministeriu saude iha rejiaun Sudeste ASIATIKO ne’ebe sei halao iha PALM Busniss hodi hare’e ba problema sira konaba oinsa mak hasai kapasidade ba doutor espesialista sira.
Nasaun 10 ne’ebe mak sei partisipa iha meeting ne’e mak hanesan Sesaun Komité Rejionál ba Sudeste Aziátiku (RC79) sei halibur 10 nasaun membru WHO Rejiaun Sudeste Aziátiku mak hanesan Bangladesh, Bhutan, Repúblika Demokrátika Popular Koreia (Korea do Norte), Índia, Maldivas, Myanmar, Nepal, Sri Lanka, Tailândia, Timor-Leste.
Enkontru ou meeting ida ne’e sei foka liu ba kapasidade rekursu umanu, liu liu ba sasan espesializada sira liu liu ba doutor espesliasta ba fuan, tensaun no seluk tan hodi bele deskute hamutuk oinsa maka bele kapasita timor oan nia kapasidade rasik.
Timor-Leste mak nasaun (uma-na’in) ba RC79, ne’ebé sei realiza iha Dili, 7–10 Setembru 2026. Enkontru ne’e organiza hamutuk hosi WHO Rejiaun Sudeste Aziátiku no Governu Timor-Leste.
Iha biban ne’e Prezidente Republika Jose Ramos Horta hatoo bemvindo ba Reprezentante WHO iha Timor Leste, Arvind Mathur mai Palasiu Prezidensial hodi koalia assuntu importante ne’ebe Timor leste mak sai uma nain ba eventu ne’e.
(eme)
